by 芝城莫文胃

近排啲嘢貴到hihi, 之前文胃最鐘意逛嘅H Mart 今日再去都真係好多嘢都買唔落手，三文魚生成$40 一磅，價格驚人，所以又係文胃遠征出嚟再搜索過一系列精選超市嘅時候

Joong Boo on Kimball

Address: 3333 N Kimball Ave, Chicago, IL 60618 呢間韓國超市其實比起H mart 更早存在，但因為要揸車多廿分鐘，所以平時都懶去，但係今次為咗抗衡通脹，就再去遠征一次。基本上呢間嘢喺90/94公路Kimball個exit落就到。一入到去唔算好大，但係啲貨都擺得好密，佢有一個food court啲嘢食好抵（$10-13）平過唐人街嗰間阿豬媽Apron, 所以成日都好多人。菜，生果各樣嘢都應有盡有。文胃覺得佢嗰啲魚生就最抵，逢星期三同五有特價，一大盤由原價$50減到$30。就算無減價，啲三文魚都比H mart 平一半。絕對值得文胃揸遠啲啲嚟掃貨買餸。

Talard Thai Asian Market

5353 N Broadway, Chicago, IL 60640 呢間喺Broadway 附近嘅泰國超市大概係距離唐人街20-25分鐘車程。雖然要行遠少少，但係佢啲貨品同熟食都好有水準。一入到去，左邊有好多方便包，冬陰公湯包，船麵，仲有一堆淨係得泰文嘅懶人包，大概$4-6 USD 一包，自己買返屋企加餸，簡單快捷又正宗，抵過出去食（FYR, 上次去Argyle 食碗船麵係$13 USD 加tip 加稅，埋單$20） 另外佢右手邊一排凍櫃，有好多pre pack 嘅熟食，有泰式海南雞，豬肉生菜包，泰式辣魚，全部都$10usd 咁上下😍😍。

仲有個細food court, 啲嘢食好authentic（第一次去個cashier 妹妹完全唔識講英文，淨係識泰文）$10.5 有三個餸，不過份唔算多，但味道係好嘅。收Cash Only。

其他泰國雜貨醬料都應有盡有。不過啲醬料有啲貴，建議大家都係買frozen 貨，有香茅腸，魚餅都好正宗👍👍

Trader Joe

1147 S Wabash Ave, Chicago, IL 60605 以鬼佬超市嚟講，文胃始終對Trader Joe情有獨鍾，佢個小籠包$5方便又juicy, 仲有其他frozen 懶人包唔貴又方便，仲間唔中有好多驚喜新產品例如紫薯spread，葡撻～ 行極都唔會厭㗎

文胃的話

其實介紹咗咁多唔同嘅超市，都係想鼓勵大家發掘唐人街以外嘅neighborhood，了解多啲你所在地其他人嘅生活文化，積極融入之餘又唔會忘記我哋自己嘅根。下次再介紹啲偏門但又好有趣嘅超市過你！如果你又有有趣分享，記得留言或發文～～ 🫶🫶

睇返芝心人超市攻略1