上個星期陪咗我哋13年嘅小吉離開咗我哋如果有歡迎你寫上嚟分享。佢好安詳咁喺睡夢之中安然離去。

小編喺網上搵到呢一間非牟利嘅寵物火化機構。佢嘅網站雖然好簡陋一啲都唔靚，但係去到佢嘅設施同工作人員又非常之專業。

我哋首先要上網填一份form，寫低佢個名，然後俾$100捐款，呢一百蚊佢會用嚟轉贈俾其他有需要嘅寵物機構，所以其實佢嘅服務大致係免費，另外一樣小編好欣賞嘅就係好多呢一啲寵物火化場都係將唔同嘅寵物放埋一齊火化，但係呢一間就寫到明佢哋會獨立處理每一隻寵物嘅遺體，唔會因為係非牟利機構就撈到亂晒。

喺網上填咗份form之後，我哋第日朝早就放低小吉喺佢哋嘅Office，而我哋一去到講低咗名之後，佢就已經準備咗一個名牌俾小吉，然後就將佢拎咗入去處理，因為呢幾日係假期，所以事隔一個禮拜之後嘅星期三我哋先至攞到佢嘅骨灰，但係通常佢話48個小時就會處理好。

佢仲有好多紀念品俾你揀，你可以將佢最後嘅掌印同埋佢嘅遣照放落一個相架，然後佢嘅骨灰亦都可以選擇唔同嘅骨灰龕承載。 再見啦，小吉。如果下世有機會見，你做我主人，我做你隻貓。We love you. You will always be part of the family.

成件事都做得好妥善，你亦都睇得出個主持人係一個好有愛心嘅人好認真咁樣處理同對待呢一啲寵物嘅遺體，以示對呢啲小生命嘅尊重。

唔知你身處嘅地方有冇類似嘅寵物機構呢？ 如果有, 歡迎你寫上嚟分享。

———— Care Cremation Center https://www.freepetcremation.com/ 33 East Montrose Drive Romeoville, IL 60446