喺一位偶爾會食素菜嘅朋友推介之下，同一大班朋友去咗呢間素菜間試。目測除咗我地之外， 都有其他人幫襯，包括亞洲與非亞裔人士都人。

菜單方面，有點心類，亦有小菜。我地食嘅係一個預設嘅set, 但裡面嘅嘢食菜單上都有，所以可以單點。每一味都好有心思，連唔同餃子裡面嘅材料同埋質感都有啲唔同。

我地果日食嘅東西裡，有佢嘅signature 嘅北京填鴨，個質感同埋外形都真係好似。

另外有一個小型漢堡—炸饅頭裡夾著素豬腩肉，豬腩肉上下層嘅外貌同質感都係有唔同，意外地好食同討好。

其他嘅嘢都好好食。

值得一讚嘅係佢啲茶，好多種唔同嘅有機紅、綠、及香草茶，味道不錯。

臨走前同老闆娘Carmen傾咗一陣，佢話佢地做咗食肆都有一段時間，今次呢個素菜館係想做一啲嘢唔同，師傅都係啲有相當經驗嘅人，分別以前喺香港同悉尼一啲齋舖做過。由上年年底開業到而家，雖然仍有疫情影晌，但生意尚係唔錯；農曆新年嘅頭幾日，訂座都算係唔錯。

網址上都幾貼心咁俾揸車嘅朋友指示，可以有咩地方泊車。

午餐: 二至日 1130 至1500 晚餐: 二至日 1700 至2100 星期一及公眾假期休息