好耐冇出post。今次我想介紹一下紐約啱啱新開一個月嘅新地標Little Island。呢個小島冇人住，只係一個公園仔。不過特別就特別在佢係由一個舊碼頭改建而成。

佢前身係pier54，一個已經被Hurricane Sandy破壞被荒廢嘅碼頭，喺2013年被重建，設計師用左充滿未來感，設計出不一樣嘅休閒公園。

大家如果有機會嚟紐約，不妨行去睇下，個建築設計真係幾型幾科幻㗎！不過去之前記得要喺網上預先訂飛先可以入去。每個禮拜一都會有最新嘅時間比大家預訂。但係如果你中午十二點前去係唔洗預先訂飛嘅。

行到攰，可以喺嗰度嘅露天茶座食下飲下！佢哋有酒賣添呀！不過全部罐裝，紅白有氣香檳啤酒乜都有，天氣咁熱，行到攰攰地嘆返杯都唔錯㗎！😎🥂🍻🍺🍷🥤🧋