位於University street既文青餐廳Di Fiora主打歐亞fusion菜式，主廚致力選用有機及本地新鮮食材，讓食客以平民價都食到高水準既佳餚。⁣😋 ⁣ 餐廳設有室內同露天座位，裝潢注入好多#igable 既元素，例如：擺放不少綠色植物裝飾令舖頭感覺清新，舒適悠閒🌴🌿；落地大玻璃透入大量自然光，令你無論影人像定食物更加得手應手 ; 侍應都打扮得好有心思，穿搭充滿夏威夷風情🏝🍹，頓時唔覺自己身處係西雅圖。⁣ ⁣ 好，講野食。誠意推薦🤩😋👍🏻：蟹肉炒飯Dungeness Crab Fried Rice。啖啖蟹肉，加左蛋令口感更細滑。不過重點係個炒飯，佢個飯香可以停留係鼻腔良久。👍🏻👍🏻👍🏻👍🏻👍🏻⁣ ⁣ 另外一碟比較有特色d既 Basil Sticky Rice Burger，用粢飯作漢堡包，夾住青菜豬肉蕃茄。建議要襯熱食，因為過左一陣之後粢飯連帶豬肉“漢堡“開始有d硬，質感無咁好。⁣ 嗱! 嗱! 嗱! 重點嚟啦! 唔好以為旁邊既炸豆角只係伴碟，看落平平無奇🤔，但食落原來驚為天人!! 食過第一條之後忍唔住再攞第二條。(咳咳🤫老實講炸豆角仲好食過個主角"burger"🙊🙈)⁣ ⁣ S-T-E-A-K 就不過不失，無乜特別，純粹post下美術部MK之神既靚相。⁣😎 ⁣ 呀！美術部MK之神(係，又係佢呀～)仲推介Malaysian Coconut Soup, 味道似唔辣冬陰功咁。可惜小編今次無叫到，未能為大家報導。下次下次，下次大概可以…⁣ ⁣ 地址：Di Fiora Seatte 1320 University St, Ste 1, Seattle, WA 98101 (on9小編見到university st 就以為係U-district😅😅記住係係first hill同capital hill之間)⁣