國民醫療保障，對好多香港人嚟講都係同香港好唔同嘅醫療付費概念，而當中又其實同我地嘅收入稅有關。咁究竟佢包啲咩呢？ 基本回饋 (Standard Rebate) 係乜? 其本上，標準嘅回饋 (Standard rebate) 係普通科醫生 General Practitioner or GP (家庭醫生Family Doctor)係100%回饋，即係話你一毫子都唔使俾，至於專科醫生Specialist呢就係診金嘅85%診金可以回饋(注意：可能有一啲治療同埋測試係唔會包)。 如果醫生係會接受 Medicare 嘅呢，佢地會叫自已為Bulk Billing, 有時你亦可以喺佢地嘅診所門口見到個牌寫住。有啲醫生只Bulk bill 退休長者, 有啲就其他群組嘅Medicare持有人都包括，所以最好喺睇之前問清楚! 私家醫院方面，Medicare 會回饋75%嘅診金。 輔助醫療服務 (Allied Services) 有一啲專科醫生同埋輔助醫療服務最低限度都會有部份Medicare 回饋，但呢個只會限於個病人係有一啲長期病，而GP已經製定一個醫療計劃(General Practitioner Management Plan)或團隊式照顧安排 (Team Care Arrangements)。呢一啲包括(但不限於)眼科、物理治療、足部治療、聽力治療等等。注意嘅係，好多人有疑問嘅牙科，好不幸係唔包，即係話要自費。 如果有精神健康問題，Medicare 回饋會每年包括10節個人及小組嘅輔導治療。但係在呢個之前呢，病人要先同GP製定一個「精神健康照顧計劃」(Mental Health Care Plan)。順帶講一講，提供輔導嘅可能係心理治療師(psychologist) ,精神健康社工(mental health social worker)，物理治療師(Occupational therapist)，精神科醫生（psychiatrist)，佢地都須要先向Medicare 註冊成為Medicare 服務提供者，同時，佢地亦可能會在Medicare 以外直接向你收取費用（Gap fee or out-of-pocket fee)，所以，最好先問清楚。 醫院治療 喺Medicare 之下，你如果喺公立醫院，接受由醫院安排醫生嘅治療係完全免費，那管你係咪有買額外醫療保險。 但要注意，同香港都幾相似，係唔可以揀醫生同埋幾時入去接受治療，因為係要輪隊。 同時，Medicare 係唔會 回饋以下項目： • 私家醫院費用，例如手術室費用，住院費等等，所以如果有需要，可能要自行購買醫療保險； • 一切喺海外的醫療及住院費用； • 一啲唔係醫療上須要嘅項目，例如整容； • 救護車（係呀！係唔包ga!~ 唔似香港，所以唔好亂叫救護車~!) • 急症室行政費用。 下次再講一下一啲包同唔包嘅例子 ~待續

前節內容: https://www.dnlmdirectory.com/view_post/94231506-fcf3-432b-82d6-8f9f93b7c796/HK