我都唔記得乜嘢 pop up, 總之見到呢間店好似係日式咖啡店, 加上離我屋企唔遠, 於是乎就去一去。 等候朋友期間飲咗杯啡 - WELL, 杯啡真係好唔得; 一杯意式咖啡, 一定係用深烘焙嘅豆, 佢可以 brew 到出到酸, 仲要唔係 fruity 酸, 而係難飲嘅, 都確實好難。實在令我想起當初學啡時自己沖, 掌握唔到, 仲喺到 play around with 研磨度, 填壓度, 粉量, 出水時間等等... 總之一句: 我覺得自己似係白老鼠。LOL 但之咁，佢啲食物又真係好好食。 叫咗幾樣嘢，樣樣嘢都好味。 我個餐隻蝦大大隻，我預咗佢無乜味，淨係食鮮味， 但又真係估佢唔到，燒咗之餘仲係有一啲其他嘅調味料，因為係少量湯底嘅麵，咁樣，蝦嘅味就唔會比其他嘢搶咗，全場做主角。 朋友叫的擔擔麵佢話好食，個湯特別，又係用豆乳。朋友係悉尼湯麵達人，信佢！ 個柚子黑芝蔴西多士係一個好大嘅驚喜，好好嘅配搭，成件事係絕配。 我地食咗個long lunch, 差唔多到打烊，後來，侍應同我地講因為落錯單，有碗親子丼問我地有無興趣。Why not?! 佢個雞係好好食喎！ 問我地意見時，我坦白話佢知杯啡唔係好得，佢話唔好意思，因為啱啱早一批有啲豆係唔係好得，佢地轉咗包豆，問我要唔要免費送杯俾我，我婉拒咗，唔係唔信佢，不過，確實飽到上心口！哈哈。 於是乎，我果一個晚上，九點先再食第二餐。 .... 更多關於搵食: https://www.facebook.com/CoffeeJourney.PeonyPottery IG: tury.sydney IG: chopstickfoodie.tury IG: turypeony.coffeejourney