2021年4月啱啱開始，加州嘅疫情亦開始明顯減緩，商店餐廳亦逐漸開放嘅情況下，針對加州房市場嘅走勢，同房屋貸款利率從3月開始有所上升，我哋AngelandSamRealEstate 做咗少少分析，希望可以比到各位少少資料同建議.

首先我哋先睇吓今次房屋貸款利率上調嘅原因，其實影響房屋貸款利率嘅因素有好多，咁今次主要原因就係（US 10 years Treasury Bond)美國10年國債利率上升，亦即係話房屋貸款利率亦都會跟住上升. 利率喺上年8月嘅時候最低只係有0.5%，之後就慢慢上升返, 到今日04/01/2021，國債利率升到大概1.682%，所以房屋貸款利率都好自然就會上升.

咁國債利率上升嘅原因，最主要係因為近期新總統上任之後通過咗一連串美國經濟刺激方案同埋紓困計劃再加上而家經濟復甦好過預期，所以造成左市場對通貨膨脹嘅擔憂，因為呢啲紓困計劃同刺激經濟方案都係要不斷咁印錢出嚟在分發俾美國嘅民眾，所以導致國債利率上升. 咁我哋喺房屋貸款利率嘅部份都觀察到喺過去一段時間就有六個禮拜係慢慢咁上升緊，所以利率其實一直都慢慢上調緊，只係因為而家嘅利率已經升返3%，所以就引起大家嘅注意.

咁房貸款利率上升對樓市有咩影響呢？ 最直接嘅影響梗係樓價嘅漲幅會有所下降，因為房屋貸款利率上升會直接影響到買家嘅貸款能力. （譬如話當房屋貸款利率係2.5%嘅時候買方可以買到$600,000嘅樓但係因為而家利率上升到3%嘅時候可能只可以買到$580,000嘅樓）即係話買家最高嘅購買力亦都會降低左同埋每個月嘅月供都會上升，咁當然都有好多其他原因會影響購買力，但係無論如何如果利率上升對於樓價嘅升幅一定會產生一啲壓力.

本人其實覺得之前樓價真係上升得太過誇張，令到好多真係想買屋自住嘅人有更大壓力，令到好多買家都要重新計劃買屋喺邊一個地區，所以我建議大家喺重新計劃買屋嘅時候應該是查詢一下你個貸款經紀詢問一下而家你最高嘅購買力可以買到邊類型嘅屋，同埋特別係原本貸款金額就比較吃力同頭款比較低嘅大家就要更加注意，檢視一下有冇需要調整你本身買屋嘅條件.

咁對於正要賣樓賣家，喺呢個時候其實唔需要咁擔心，而家嘅房屋市場放盤賣嘅樓源仲係非常少，而家房屋貸款利率上升幅度仲未會對樓價造成太大嘅影響，賣家嘅樓仍然都會好好賣，但係賣家要注意嘅事就係最後選擇買家或者再揀Offer嘅時候，最好就係樣你哋自己經紀所認識嘅貸款agent去做一個cross qualification, 去確認買家嘅負責比率有冇太高，檢查佢哋有冇有足夠嘅空間去承受呢個上升嘅利率，同房屋估價不足嘅情況之下有冇辦法去比出頭款嘅差額.

最後總結同建議

經常有客人都會問到：應該買或者唔應該買，樓價升跌點算，兩年之後萬一樓價下跌點算，本人認為，如果係自住用途就唔應該當佢係一個投資商品來看待，因為自住屋係一個安心立業嘅家，間樓係唔會自己走咗去嘅，但係如果買樓做投資，就應該用投資嘅眼光來看待，所以建議各位先搞清楚自己喺房地產市場上想要達到嘅目的，之後根據唔同嘅目的同需求你衡量自己係樓嘅需要.

南加州嘅地理優勢唔怕冇人住，因此房屋仲係可以投資，作為房地產嘅投資者應該先要了解當地相關嘅法律，呢個係投資考量嘅標準，專業地產經紀會喺而家嘅框架之下保護投資者，用專業手段降低日後投資者可能遇到嘅麻煩，所以我認為購買房屋者最好諮詢專業嘅地產經紀.

至於房屋貸款，貸款利率本來就係會有升有跌，貸款利率確實係有少少上升嘅趨勢， 30年期固定利率從2點幾%上升至 3.18%，但對於大環境及過去幾十年嘅情況而言，目前房屋貸款利率仲係非常非常之低所以不需要特別擔心.

如果有任何查詢請聯絡我們 Email: sam@angelandsamrealestate.com