講左咁多餐，今次就講下酒吧啦！

呢間酒場喺east village已經好耐歷史，或者好多紐約人都已經去過。間日式酒吧好有特色，入到去令你覺得好似去左日本咁。場內黑麻麻，又迫又細，不過就係要呢種feel先至正！

呢個疫情令到日本封國，唔比外國人去日本旅遊，冇得返鄕下，咁我地就唯有去日本酒吧當去左日本啦！

其實呢間酒吧冇乜好多小食選擇，如果諗住食飽飯，都有牛肉飯，udon食嘅，不過酒吧重點梗係酒啦！佢哋有好多sake選擇，重會有sake of the week，大家可以試下不同口味嘅清酒🍶都幾好㗎！

如果想食完飯去飲返杯，記住要上網訂檯，冇訂檯係冇得入去坐㗎。