移加 Myth Buster Series (1) 移民加拿大嘅流程概念

加拿大 地膽推介 - 移民攻略
  吸睛指數 29526       2021-01-04 08:06:25

移加 Myth Buster Series (1)

小弟一向出名口水多過浪花,但喺社交媒體上,太多字係無人會有心機睇嘅。我明,咁點解我都選擇用Blog作起點呢?

  1. 政策時常變,有嘢更新我可以改Post,避免過時資訊誤導。
  2. 我可以將資訊系統化及分類,方便大家搜尋或分享自己用得著嘅資訊。
  3. 大家嘅互動可成為其他人嘅參考。

今日想簡介一下移民加拿大嘅流程概念,順便希望做下流言終結者,將一啲大家經常被誤導嘅概念糾正。 要申請移民加拿大,大致上有三個途徑可選擇:

  1. 直接向聯邦政府透過Express Entry(EE)申請永久居留權(PR);相關的講介我認為這個blogger(https://imashe.com/immigration/express-entry/...)寫得很清晰,亦有相關連結等大家可快速參考其他資料,如官方CRS計算機,所以我今天就不在這裡花太多篇幅講解。但大家若有相關問題亦歡迎提出。
  2. 在加拿大找到僱主,從而符合省提名(PNP)或EE的資格,或因此提升CRS分數而獲得聯邦政府邀請申請PR;呢個難度好高,如果唔係大家都唔駛咁愁。
  3. 找一間DLI報讀PGWP-Eligible嘅課程,畢業後找工作以獲得省提名為目標。 今日主要詳細講第3點,因為好多打算靠MPNP移民嘅家庭都係行呢條路。我今日先會講一啲主要概念及終結一啲流言,日後會再詳情講下MPNP嘅技術細節。

想靠讀書過黎搵工再行省提名的話,最重要嘅,就係搵一啲讀完申請到PGWP嘅科目。咁點知果科得唔得呢?首先,您揀果間學校一定要係Designated Learning Institue(DLI),喺IRCC官網有個List(https://www.canada.ca/.../designated-learning...),列出左所有DLI。但喺DLI都未夠,您揀果科要係PGWP-Eligible Program。看一看截圖就會明白,有啲學校唔係所有科都係eligible,您就要去details果度睇清楚,或者電郵學校確認。

流言一:移民中介收幾十萬保証成功? 我明白,一家人連根拔起,俾幾十萬如果有保証,可能都物有所值。問題係,係咪真係有保証? 實情係,加拿大合法嘅移民顧問,一定要係永久居民才可以考牌及註冊。即係話,你喺香港見果個中介,九成九都唔係喺加拿大註冊,即係佢貨不對辦的話,係加拿大嘅法律框架下你無得追究,何來保証? 咁香港有合約,不成功原銀奉還喎。一家大細過黎搞幾年搞唔掂俾返晒啲錢你,係你想要嘅?其實香港嘅中介,通常都會喺加拿大呢邊有對口嘅持牌移民顧問合作。香港果邊同你簽左約,下一步就交個波俾加拿大嘅持牌顧問(係咪真係持牌,可以去呢度check:https://encubate.ca/immigrati.../iccrc-member-check-process/);而實際上,我哋移民顧問嘅專業守則係禁止我哋以「不成功不收費」作招徠或對申請結果作任何保証或暗示一定成功的。所以,係無"保証"成功呢回事嘅。

流言二:加拿大好難搵工,畢業工簽如果得一年,Agent幫手搵工穩陣啲 我網上見過一啲網友嘅經歷,同埋住家男人有條youtube片都訪問過一對黎左Winnipeg嘅夫婦,就係信任中介,叫佢地讀non PGWP-eligible嘅科,但之後會保証幫佢地搵工及申請closed work permit(註:指定僱主工簽,只能為指定僱主工作)。先唔講佢呢個保証合唔合法(cash for jobs出事時有發生:https://www.cbc.ca/.../cbsa-immigration-fraud...);將條移民路局限喺一個僱主一份工之上,有起事上黎,形勢會十分被動,可謂肉錘砧板上。 Post-Graduate Working Permit (PGWP,畢業工簽),是一生人只能申請一次的。8個月至2年以下的課程,工簽的長度會跟課程一樣;2年以上或滿1,800 vocational hours的課程,可獲3年工簽。由於一生人只能申請一次PGWP,策略上當然是以取得3年期畢業工簽較為穩陣。但亦有人,想速戰速決盡快取得居留權的話,就要有心理準備係工作上唔太揀擇;像我自己,Post-Grad Dip畢業走去做min paid嘅理貨員,找到工作的一刻,PR到手就只是時間問題。PGWP年期,可參考呢度:https://www.canada.ca/.../post-graduation.../permit.html... 事實上,環顧身邊由香港黎嘅街坊,我暫時仲未識到或聽過有人係因為搵唔到工而移民路行唔到落去嘅。溫尼伯老街坊不妨分享下有無聽過失敗嘅例子?只要你唔揀擇,肯由低做起,其實有好多工係本地人唔願做嘅。我聽過有啲幫左中介嘅街坊,中介都係搵獵頭公司幫手搵呢啲工,自己搵獵頭公司係免費,效果一樣。

流言三:年紀大,申請被拒機會會高啲 我以前都咁諗,都係喺加拿大生活左幾年,就明白加拿大實在太左膠太政治正確,因年紀而拒絕你申請,係年齡岐視,唔會發生。移民法規有關年齡的部份,就係年紀越大,可以加嘅分就越少;但只要你其他條件例如工作經驗,語文能力可以攞高分啲,就可以彌補。講到尾,最後都係跟遊戲規則鬥高分,年齡不是唯一因素。 我直接認識嘅姨姨,50+先申請學簽,而家遞左PR申請入聯邦階段;楓之谷果邊,我剛剛見到45+報喜學簽批出。 咁我自己都將會係移民顧問,點解講到中介一無是處?我認為顧問嘅價值,係幫人解決問題(我個page叫修理員嘅其中一個意思);如果個顧問幫到你慳時間慳精神,相信你俾錢都俾得開開心心,仲會推介朋友搵佢。 Referral is the biggest compliment to me.

如果我嘅post有幫到你,你願意介紹俾你嘅朋友嗎? 下個post會開始進入MPNP嘅詳情,如果你心裡有問題想解答,不妨留言發問等我安排出post嘅優次。


呢篇文章係轉載自 移加修理員 記得follow 埋人哋呀~^_^ https://www.facebook.com/移加修理員-100836428627951/

標籤
按以下標籤查看其他相關資訊
已複製
WhatsApp
聯絡方法
聯絡電郵 arkuo6.lee@gmail.com
社交媒體網址
評論 (要登入咗先可以評論)