機場總係離別嘅地方﹐但相聚又可以去邊到？ 經過朋友嘅朋友推介﹐座落三藩市機場附近有間叫Sweet Indulgence 嘅甜品小店值得一去。

以港式甜品做賣點嘅小店﹐外加幾種小食﹐加加埋埋﹐佢個menu 都好多花款架。 叫得甜品佢嘅賣點咁就緊喺甜品啦！味道一流不在下話﹐諗法多多、獨家創意十分更係加分﹐再加上用心有誠意﹐真喺冇咩可以挑剔！之前自己去嘅時候都喺疫情以後﹐對店入邊嘅體驗唔多。第一次去叫咗一隻「小黑兔」嚟食﹐朱古力味滿分 <3但我都喺最最最最~鍾意店入邊嘅自家製雪糕。朋友最鍾意就喺芋頭味﹐而我就最鍾意士多啤梨Cheesecake 味﹐濃厚芝士味再加餅碎。題外話一下店嘅章魚燒都係值得一試。

如果鍾意嘅店有整專頁仲有外賣同預定服務提供﹐不過留意返如果訂蛋糕要早兩到三日落訂。

希望過多一排冇咁忙﹐疫情又緩和以後可以同朋友嚟返個小放縱