「住加第2卡 – BC MSP」你要知！ 💠如果各位最終嘅目的地係加拿大嘅卑詩省 (B.C. British Columbia) 嘅話，就要留意喇！ ⚕️BC省嘅醫療保健計劃，BC Medical Services Plan (BC MSP)，BC省政府為居住於BC省嘅省民實行咗一個Medical Services Plan，喺過去嘅醫療保險卡Care Card，現已與BC Services Card合併，呢個MSP係居住喺BC省內嘅居民醫療保險嘅使用憑證。
➡️BC MSP申請資格好簡單及清晰： 1️⃣ 申請人必須係加拿大嘅公民或者居住喺卑詩省內嘅永久居民（旅客及探親者並不符合此申請資格，所以都係買番旅遊保險啦！） 2️⃣ 最重要係以卑詩省為家 3️⃣ 每年居住於卑詩省不少於6個月📆（以年度計算，即1月1日至12月31日之間，至少喺BC省內居住滿6個月。如果喺加拿大其他省份遊走旅居嘅話，則喺BC省外最多可住7個月。）
P.S. 如果你係手揸學生或工作簽證（如有效期長過6個月），根據法例，亦可能被視作為卑詩省居民，並符合參加醫療保險計劃，詳情就當然可向BC MSP辦事處查詢啦！ ☎️Tel: 1-800-663-7100 (Mon-Fri 8:00am – 4:30pm) 📠Fax: 250-405-3595 📬Add: Medical Services Plan, PO Box 9035 Stn Prov Govt, Victoria, B.C. V8W 9E3
而申請呢個MSP係以家庭為單位，包括申請人及其家屬，均必須係卑詩省居民，親屬包括： 1️⃣申請人之配偶或同居配偶（但已離婚嘅配偶就唔包括在內）或 2️⃣由申請人供養嘅未婚子女，而年齡須在18歲或以下，但如果係19-24歲之間的話，就必須係就讀全日制之學校或大學嘅學生 ⚠️只要係B.C.省居民，就要加入呢個BC MSP。而本身MSP要求參加者每月支付一定嘅保費，但喺2020年1月開始，呢項費用已由官方宣稱括免！ ♋MSP嘅等待期適用於 > 新移民、重新回流BC省居住嘅人士、由外省搬到BC但無外省嘅健康卡人士 1️⃣新移民或以其他省份移居到卑詩省嘅人士，喺到達卑詩省3個月後開始可享受MSP，而喺等候期間必須居住喺卑詩省。所以當大家到埗後，喺機場移民局處到填寫申請表再寄出，返屋企等候便可。 2️⃣受保人如果需要離開卑詩省一段時間而又希望繼續保留其受保資格嘅話，就必須每年身處加拿大起碼6個月及保持其家喺卑詩省。P.S.若果長時間離開卑詩省而不符合受保資格嘅話，當重返時，可能要再次經歷過等候期，才能重新受保。 3️⃣如申請人與其配偶分別先後從加拿大其他省份移居到卑詩省嘅話，要留意，等候期將以後到埗者嘅日子起作計算。 4️⃣如果你喺等候期內離開加拿大超過30日，咁生效期就將會受到影響。 5️⃣申請人抵達卑詩省後就應盡快申請MSP，如申請延誤，其生效日期將由醫保局決定，也有可能被追回過去嘅保費。 6️⃣由加拿大其他省份移居到卑詩省嘅人士，應預先同原有嘅醫保公司安排，喺移居到卑詩省嘅等候期內，也受到保障。以加拿大以外嘅國家移居到卑詩省嘅新移民，喺等候期內，應自行向保險公司購買過渡性保險，以策安全，因為卑詩省自費嘅醫療費用係超貴嘅。 以下有幾個數字係關於MSP嘅你必須要知：
🟡3個月：成為BC居民後要等3個月OHIP才正式生效。 🟡30日：如果你喺等候期內離開加拿大超過30日，生效日期將會受到影響。 🟡183日：享受MSP嘅條件確實係每個日曆年內喺BC省居住至少6個月（183日）。但係第一年例外，因為你有可能係喺7月1日以後才到BC省嘅話，無論點都無可能喺同年內住夠6個月，所以第一年並不按日曆年計算。
📥申請方式： 1. 網上申請 2. 郵寄申請
MSP所涵蓋嘅保險範圍： MSP包醫生服務、醫院服務、醫學化驗服務。買藥、睇牙醫、中醫等並不喺保險範圍之內。 1️⃣睇家庭醫生係免費嘅，如有必要，再由家庭醫生轉介去睇專科醫生都係免費嘅。P.S.買藥，由醫生處方，再自行到藥房自費購藥。 2️⃣生BB係免費嘅 3️⃣18歲以下嘅小朋友或65歲以上嘅老人家，每年有免費嘅視力檢查。P.S.但任何歲數人士，如果有眼疾，由家庭醫生轉介去睇眼科醫生亦都係免費嘅。 4️⃣健康檢查或照X-Ray都係免費嘅。P.S.必須由家庭醫生轉介去做才免費，而並不是自己去檢驗就得 5️⃣牙齒或口腔因病變而有必要喺醫院開刀嘅話，雖然並不是免費，但亦係有補助嘅。 6️⃣如果因先天性臉部異常而要做嘅牙齒矯正，都係免費嘅。 7️⃣此外，MSP還Cover以下類型嘅參保人（低收入人士、原住民及難民等）嘅部分補充性治療項目，如理療或按摩等。每次治療Cover 23次，1年最多10次。但一般參保人不享此優惠。 係咪覺得家庭醫生好重要呢？ 喺取得BC Services Card後，就要喺自己所住區域範圍附近找一位家庭醫生。通常如果有病，都係要有家庭醫生安排到醫院或轉介去睇專科架！ 喺加拿大醫藥分家，睇醫生可以免費，但買藥要自費，咁咪好大單？ 唔駛驚！仲有一個藥品補助計劃（Fair Pharma Care Plan）可以減輕藥費嘅開支嘅！ 1️⃣必須先有MSP 2️⃣必須報過兩年嘅稅 3️⃣新移民亦可申請，但必須提交過去兩年嘅海外收入報稅資料
此項補助計劃包括所有嘅藥物購買，而補助費用跟家庭年收入有關，佢會根據年收入審核出每個家庭該自費購買嘅金額，如超過該金額後嘅費用就由政府出70%。P.S. 可以打以下號碼（604-683-7151）向 Pharmacare 查詢或者到其網站申請。
呢篇文章由 住加港爸移民日記 提供，記得follow返人呀～～ https://www.facebook.com/HKerInCanada/
多謝支持！
