叫外賣是一門何等高深的學問…開住 #UberEat / #Yelp 凝視住一、兩個鐘，每5分鐘就問一次：食咩好呀？直到要餓死前一秒鐘先 #是但求其愛 ，呀唔係，是但求L其落order，最後外賣到時已經餓完，又夠鐘諗下一餐… 最近收到西雅圖怪叔叔投稿開心share正外賣，等大家有多間bookmark，唔洗 是 但求 其食。

【讀者投稿】 -khao man gai- 一提起波特蘭，好多人除咗諗起去outlet掃貨，去食大壽司，同埋就會諗起去人氣食店食番個khao man gai (#泰式海南雞 )。 一向都鍾意捐窿捐罅搵食嘅我，當然有朝過聖啦。不過，最近比我喺西雅圖嘅大學區搵到間我覺得比波特蘭人氣店更好食嘅khao man gai, 佢就係Wann Yen/ Mark Thai Food Box。 之前去人氣店食過幾次，整體嚟講都唔錯嘅，不過可能因為要就返本地人嘅飲食習慣，啲雞肉係去皮去油 (本人好怕去皮去油嘅雞肉，好嚡...) 所以就打咗折啦。不過，好彩比我搵到Wann Yen, 佢個雞飯就合我心意啦，啲雞肉係連皮同埋有返啲油，所以唔會嚡熠熠 (係好滑) ，佢嘅油飯都好香 (我覺得香過人氣店), 雞肝都好入味，加埋奉送嘅冬瓜雞湯，食完真係十分滿足。 Wann Yen除咗出名嘅khao man gai之外，佢嘅泰式奄列飯同甜品都唔錯，值得一試。

Wann Yen 1313 NE 43rd St, Seattle, WA 98105 (N University Way與N Brooklyn Ave之間) IG: @wannyenseattle

由於疫症關係，佢嘅營業時間係星期一至五，中午十二點到傍晚七點 (六日休息)。暫時只做外賣，同埋賣晒會早收架。 *想食雞肝就要叫加錢叫extra chicken