湊仔真係要考牌 (係英格蘭幫人收錢個隻)

英國唔興請全職工人喺屋企做嘢，照顧小朋友嘅工作都係家長自己一手一腳搞掂。但係總有啲機會係分身不暇去照顧小朋友，所以英國嘅湊仔工就應運而生。 英國係保護兒童呢方面都有預防措施，如果要收錢幫人湊仔嘅呢份湊仔工，都要向政府申請(Ofsted)通過背景審查冇問題先可以合法搵仔湊。 上半年我就試過有一日，所有嘢都安排唔到嘅情況之下要搵人幫手湊亞仔兩個鐘。上網搵完先發覺呢份工作嘅需求都好大，有收費嘅網站或者係 Facebook 上面搵都得，最尾都係搵返同一班人。 千辛萬苦喺隔離嗰 Town 搵到一個，當時嘅費用係 £30 一個鐘，好似好貴，但係佢一上門就俾咗本字典厚嘅證書s，等家長可以安心明白佢係經過多重認證信得過嘅湊仔專員。 由於個用家當時未識講嘢，所以佢冇得出一份用後報告俾大家睇，不過當時接返佢就好開心，所以應該係物超所值。 英格蘭做呢份湊仔工的確係要考牌，基本上分 Nanny/au pair 同 Childminder，兩者最大分別係照顧家庭嘅數量同埋照顧小朋友嘅地點。 Nanny/au pair 通常都係去人哋屋企照顧人哋個小朋友，最多可以照顧兩個家庭嘅。 除咗比申請費之外，仲要提供下列資料： - 犯罪記錄 (Enhanced criminal record check with barred lists) - 急救訓練 - Childcare training (經當地Council) - Public liability insurance - Certificate of good character from an embassy ""對上五年喺英國海外居住人士適用"" https://www.gov.uk/become-childminder-nanny/register-nanny Childminder 通常喺自己屋企或者私人地方照顧小朋友。如果去人哋屋企照顧小朋友但多於三個家庭或以上都要申請呢個牌照。 除咗比申請費之外，仲要提供下列資料： - 犯罪記錄 (Enhanced criminal record check with barred lists) - 對應被照顧小朋友年紀的相關急救訓練 - Childcare training (經當地Council) - Health declaration booklet - Contact details for 2 references - Certificate of good character from an embassy ""對上五年喺英國海外居住人士適用"" 由於可以喺自己屋企照顧其他小朋友，同一間屋裏面嘅其他住戶都要提供上述嘅資料記錄去做申請。 https://www.gov.uk/become.../register-childminder 詳情請參閱官網 https://www.gov.uk/become-childminder-nanny

呢篇文章係轉載自 住到英國鄉村邊緣 記得follow 埋人哋呀～^_^ https://www.facebook.com/Prefercountryside/