幾年前，我哋幾個生意夥伴好肉痛咁俾咗5萬蚊港紙一間自稱專業嘅網站設計公司幫我哋砌網店，但因為佢哋嘅製作實在太唔專業，為免民望淨值變負數，我哋結果都冇將嗰個網店公諸於世。
之後我哋化悲憤為力量，自己學砌 eCommerce website。成績都唔錯，用家都讚我哋個網店砌得好靚仔，好 user friendly。
2020 年，全世界俾武漢肺炎一鑊蹺起，我哋就開始運用呢幾年做網上商店嘅實戰成果，加上十幾年喺唔同行業做宣傳推廣嘅經驗，幫小店製作靚靚仔仔、獨一無二嘅網店，再傳授後台操作同網上宣傳技巧，等小店可以一手一腳咁掌控網店內外嘅運作，增加多一個銷售渠道。
我哋一定唔係歷史最悠久，但好有可能係市場上會最俾心機幫小店砌網店、協助大家做好網上生意嘅黃色小店。
💛 💛 💛 💛 💛 💛 💛 💛 💛 💛 💛 💛
🔟個開網店嘅理由： 1. 一年 365 日 24 小時年終無休咁自動做生意 2. 清晰咁陳列你嘅產品/服務 3. 隨時有系統咁更新產品/服務資料 4. 建立同鞏固品牌形象 5. 增加客戶對你嘅信心 6. 展示客戶對你嘅正面評價 7. 令上網搵資料嘅潛在客戶更加容易搵到你 8. 俾客戶多一個渠道聯絡你 9. 減省解答客戶問題嘅時間 10. 減低被社交媒體嘅規則控制
bonus point: 你應該開網店，因為你嘅競爭對手已經開咗！
💛 💛 💛 💛 💛 💛 💛 💛 💛 💛 💛 💛
時勢艱難，但你並不孤單，希望我哋可以幫到你！
香港人加油！
歡迎查詢 👉🏻 hongkonger@eshopwithyou.com 👈🏻
