［Best Bubble Waffle in Chicago 芝加哥最好食嘅雞蛋仔，無之一］by 芝城莫文胃

文胃一喺芝加哥港人群組見到有新開嘅檸茶雞蛋仔專門店，就即刻貓衝去試。一係唔食，一食上癮，連續去咗兩日，佢有五款，文胃試咗四款，仲款款都外脆內軟，超正宗，好滾動。

芝加哥其他地方賣嘅雞蛋仔，都以花巧為主，又加雪糕，又生果又boba又盛，搞到主角雞蛋仔淪為配角之餘仲要淋哂，但係呢間HappyLemon 就完全無呢個問題，佢有五款味道：原味，朱古力，Oreo, matcha, 同cheese, 試咗頭0個四款，款款都外脆內軟，你可以加topping, 如cheese dip, 芋頭dip。文胃試咗呢兩款，唔知點解佢哋係咸嘅，呢方面有啲奇怪，所以唔建議加$加topping, 純雞蛋仔加杯凍檸茶已經好滿足。$5-7一底，價錢正常同Joyee 差唔多。

佢嗰凍檸茶好強調係freshly squeezed, 呢個文胃唔係好明點解，乜有唔係鮮榨㗎咩？🤔文胃唔覺得呢個係亮點，反而真正亮點係可以揀甜度同揀落幾多冰，要知道喺唐人街問聖安娜或點點嗰啲姨姨買一杯少甜走冰嘅凍檸茶係一場何其茅盾嘅心理戰，多年來文胃因為呢個習慣受盡嘅白眼真係不足為外人道😭😭，但係喺呢間HappyLemon 就完全無呢個問題，佢仲主動問你添😍😍🥰🥰，所以佢嘅customer service 對文胃嚟講係一個亮點🫶🫶🫶

總括嚟講，佢係集百家之大成，有台灣奶茶舖嘅客戶服務質素，有高質港式雞蛋仔，又有多選擇嘅飲品menu，加上喺 UIC 對文胃嚟講非常就腳。文胃會係常客 🤩🤩😍