如果你喺香港都有車牌， 先恭喜你，因為基本上都係唔使你再考過個牌，過幾十關，考幾個試，又要俾錢（都唔平）。但當然，每個州同埋領地都有唔同嘅要求，仔細呢就要再查下果個州嘅發牌當局。 但無論如何，有一樣嘢唔係幾恭喜你嘅，就係每個州嘅路牌都有少少唔同，而喺繁忙嘅地方呢，就更加有一啲路牌，係基本上要考下你嘅邏輯同時間觀念，先能夠理解到佢地當中嘅「玄機」！

至於一般路牌要求呢，有一啲可能係香港人應該唔喺香港見慣，包括（當然唔只咁少啦）： - 學期中嘅學校範圍(school zone) 車速要求 - 維多利亞省著名嘅只可以用左綫轉右嘅 Hook turn - 提醒你要小心野生生物嘅警告，例如係袋鼠、樹態、鱷魚等。你咪以為淨係喺偏遠地方先有，喺西澳市中心湖附近，有警示叫你小心，因為會有鴨仔過馬路！ 罸錢，罸錢，罸錢，基本犯上以上係可以被罰。所以，千萬要小心。 如果你無喺澳洲生活過，揸過車，確實應該要認真考慮一下，或者俾小小錢搵個師傅補下鐘。罸錢事小，但係道路安全，絕對會影晌任何道使用者，包括你自己、同車嘅家人／朋友，以為其他嘅司機同行人。 Happy and safe driving!

Photos from: ABC News Bennymarty – iStock Business Insider City of Sydney Council MidCoast Council NRMA Randwick Council Roads and Maritimes Services VicRoads Yahoo News