美國食日本嘢出名貴，想食近似日本質素嘅，兩個人喺餐廳食起碼幾百蚊美金埋單，而咩都貴嘅矽谷就更加唔駛諗。全因住得喺矽谷嘅十個有九個都係工程師，而我就是第十個——打雜一名。所以要喺矽谷找平又好食嘅日本魚生飯，真是唔係咁易。

廢話少說，呢間賣魚生飯嘅唔係一間咩餐廳，而係一間位於Mountain View嘅日本超級市場，名叫Nijiya。

地址：143 E El Camino Real, Mountain View, CA 94040 營業時間 ：10:00-19:00

灣區其實有好幾間Nijiya，但唯獨呢間嘅魚生飯特別多款式揀同埋到中午都仲有得你揀🤣🤣🤣可能因為呢間嘢唔太就腳同埋好細。每個魚生飯用料非常新鮮，你可以揀吞拿魚茸配三文魚子、北海道毛蟹配帶子加三文魚子、雜錦魚生飯或其他款式嘅魚生飯。款式非常之多，唔食魚生飯，可以揀鰻魚飯。有時想食好啲，加多底新鮮海膽都仲得😋

‼️重點來啦‼️咁高質嘅魚生飯連稅$10美金都唔駛，係$10美金都唔駛、講咁$10美金都唔駛喎（重要的事情講3次）

次次去親都見人買5、6個魚生飯走，我當然唔執輸啦。醒目嘅我通常加多幾盒新鮮魚生，甜蝦、yellow tail、amberjack呢啲基本嘢不在話下，有時仲好有驚喜買到入口即溶嘅藍鯨吞拿，真是講起都留口水🤤兩個人食$60、$70已經可以食得好好。

話時話，寫完呢篇推薦文後，我會唔會以後買唔到咁正嘅魚生飯架🥺