需要文件 🔸 有效旅遊護照 🔸 親密家屬證明文件 🔸 過去定居香港的證明文件 🔸 財務證明文件 🔸 肺結核測試證明文件 🔸 足夠信用額的申請費用
1️⃣ 有效旅遊護照 申請人必須為BNO持有人。申請BNO居留簽證係唔需要擁有BNO護照嘅實體，即使護照遺失或者過咗期，只要你曾持有BNO，都一樣有權申請 (如果你有本過咗期嘅BNO護照喺手，申請時就需要提供埋)。所以如果你本BNO護照過咗期或唔見咗，申請時就需要提供有效嘅特區護照或其他國籍護照。BNO居留簽證係以家庭單位嚟申請，如果係幫埋小朋友申請，提一提大家check清楚小朋友嘅護照過咗期未。比較細嘅小朋友護照得5年嘅簽發期，如果見到就嚟過期，最好都係幫小朋友續簽埋先～
2️⃣ 親密家屬證明文件 英國政府落實BNO持有人可為直系家屬以家庭為單位申請BNO居留簽證。BNO持有人作為主申請人，要先申請攞咗一個參考號碼，其合資格直系家屬之後申請時就需要提供番主申請人嘅參考號碼。喺移民法例下，18歲以下嘅子女必須與雙親一齊提出申請，單親、喪偶等情況則例外。再一次重申，除咗某啲特別情況之外，18歲以下人士必須與父母一齊申請，不過特別情況嘅生殺大權係喺Home Office手上嘅～如果主申請人及其家屬於唔同時間到達英國，就未必可以全部人於同一時間滿足定居條件，有機會需要再另行申請居留簽證，從而滿足到5年嘅居英要求。 如果你係會同其他直系家庭成員一齊申請簽證，例如攜同配偶一齊申請，就要準備番結婚證書，證明番係夫婦關係。如果係同小朋友一齊申請嘅話，到時亦都要提供番出世紙。 家屬包括： 🔸 配偶、民事伴侶、及未婚伴侶； 🔸 18歲以下子女； 🔸 於1997年7月1 日或之後出生嘅成年子女 (及其配偶、或其18歲以下子女)，需要證明對父母之經濟依賴； 🔸 特別情況需要高度照顧嘅其他家庭成員 (父母、祖父母、兄弟姊姊、子女)
3️⃣ 過去定居香港的證明文件 英國政府官網寫明，不論你申請BNO居留簽證時喺英國或海外，都必須證明係常居於香港。所以大家都要準備番最近嘅水費單、電費單、銀行月結單、稅單、工作證明、在學證明，證明番自己同家屬成員都係一直居住於香港。
4️⃣ 財務證明文件 BNO居留簽證申請者必須提供財務證明，雖然暫時未有提及實際金額係幾多，但就列明金額需要係應付到自己及其申請家屬最少6個月嘅居英生活費。申請者可透過出示銀行帳戶餘額、英國目前工作收入 (包括自僱收入)、任何其他移英後的持續收入 (例如出租物業嘅租金回報)、家人或朋友轉贈資金，證明有足夠資金予申請單位以應付當地首半年開支。所以，大家可以準備番對應嘅財務證明文件先！而所有出示文件都需提供英文版本，或原文版本連同認可嘅英文翻譯作證明。另外，提提大家，按英國簽證慣例，有關財政文件要喺遞交網上表格之28日內發出。比如你2021年1月31日遞交網上表格，如果最近期銀行月結單之發出日為2021年1月1日，就應該用唔到架喇～ 📌 銀行帳戶餘額 記住最近一張月結單最好係遞交網上表格日算起28日內 (英文版本) 📌 英國目前工作收入 準備英國目前工作嘅糧單 📌 出租物業收入 租約 (英文版本)、每個月收租收據 📌 家人或朋友轉贈資金 家人或朋友轉贈資金嘅證明信件 (英文版本)
5️⃣ 肺結核測試證明文件 英政府要求每個BNO居留簽證申請人都需要進行肺結核測試，大家需要到指定嘅香港醫療中心做測試 ，報告有效期為6個月，申請時需提供番肺結核測試報告 。早前通過LOTR已到步英國嘅朋友仔，可以選擇喺英國境內嘅指定醫療中心做番測試；如果之前喺香港已經做咗測試而未過期，亦可以用番香港嘅有效測試報告。 網站 (指定香港醫療中心): https://www.gov.uk/government/publications/tuberculosis-test-for-a-uk-visa-clinics-in-hong-kong/tuberculosis-testing-in-hong-kong https://www.gov.uk/government/publications/applying-for-a-uk-visa-in-hong-kong/--2
網站 (指定英國醫療中心): https://www.gov.uk/.../uk.../tuberculosis-testing-in-the-uk
6️⃣ 足夠信用額的申請費用 BNO居留簽證開放兩個居英時間申請，申請費用同必須繳交嘅IHS英國保健費用 (Immigration Health Surcharge) 亦會根據居英時間有所唔同。申請費同埋保IHS係以每人做單位，大家可以乘番申請人數做個預算。 申請30個月簽證 🔸 申請費：每人£180 🔸 IHS：成人每位£1,560；18歲以下人士每位£1,175 每位成年人申請費+IHS = £1,740 每位18歲以下人士申請費 = £1,355
申請5年簽證 🔸 申請費：每人£250 🔸 IHS：成人£3,120；18歲以下人士每位£2,350 🔸 每位成年人申請費+IHS = £3,370 🔸 每位18歲以下人士申請費+IHS = £2,600 如果你有兩個小朋友，一家四口咁申請5年簽證，總共要畀嘅申請費用加雜費就係£11,940，大約港幣12萬幾左右。由於BNO居留簽證係透過網上申請，所以提提大家要預留番足夠嘅信用額到時支付。
肺結核病測試 BNO簽證(BNO Visa)將於2021年1月31日起接受申請，持BNO香港人可帶同家人移民英國，以5+1年時間在英國工作、讀書、居留，然後便可申請英國永居權及做英國公民。申請BNO簽證必備TB測試證書（Tuberculosis（TB） test），需到以下英國內政部指定5間香港診所進行結核病測試。
英國內政部規定11歲以上的人士必須接受結核病測試（TB test），接受胸肺X光檢查，證書有效期為6個月，需於申請簽證時提交。至於為11歲以下兒童的家長或監護人，就要帶同到診所先填寫健康調查問卷，醫生會再判斷是否需要進行測試，如否，醫生會提供證明書說明子女未有測試，在申請簽證時一併提交。16歲以下兒童去診所時必須由家長及監護人陪同下進行，如X光檢查無法確定，或需用痰液樣本進行化驗，有機會需時2個月。
指定香港診所： 1️⃣ 聯合醫務保健中心(香港) 地址：香港中環德輔道中71號永安集團大廈1401室 電話 : 39508888 電郵: visaexam@ump.com.hk
2️⃣ 聯合醫務保健中心(尖沙嘴) 地址：九龍尖沙嘴東麼地道62號永安廣場10樓07室 電話 : 39508888 電郵 : visaexam@ump.com.hk
3️⃣ 聯合醫務保健中心(尖沙嘴) 地址：九龍尖沙嘴東麼地道62號永安廣場10樓07室 電話：39508888 電郵 : visaexam@ump.com.hk
4️⃣ 卓健醫療 - 惠豐中心 地址：九龍旺角彌敦道664號惠豐中心8樓 電話 : 8200 8825 官網：http://www.qhms.com/
5️⃣ 卓健醫療 - 海富中心 香港夏愨道18號金鐘海富中心第1期16樓1605-09室 電話 : 8200 8825 官網：http://www.qhms.com/
準備文件： 附有照片之身份證明文件，如護照 結核病測試費用 如曾經感染結核病或其他肺部疾病，應提供以前的測試詳情，例如醫療記錄和X光檢查結果 如果希望由女醫生進行檢查，請在預約時向診所提出。
來源：GOV.UK
❗❗ 離港前注意事項❗❗ 出發前準備 - 清稅篇 好多人都有討論究竟需唔需要清稅呢？ 明白大家唔想清稅的原因及隱憂。但根據《稅務條例》，規定任何須繳納稅款的人士，如打算離開香港，須在不遲於預計離港日期前一個月通知稅務局，以便稅局決定他是否需要在離港前完成有關的清稅手續。 為免觸犯法例，ichibama都係決定左通知僱主將會離港及進行清稅。大家可再自行衡量。以下純粹分享我哋清稅經歷： 通知僱主離港後，HR會在last day 2-3星期前發出一份IR56G，每間公司做法可能唔同，請與自己公司HR了解相關程序 IR56G會詳例你過去一年課稅年度的收入。
在臨去之前可致電1878022，查詢自己所屬評稅組別，或可到達稅務大樓1樓中央詢問處查詢。 我哋帶同身份證及IR56G，去到所屬評稅樓層，櫃位職員會即時印出我哋的報稅表，然後根據IR56G的收入填報稅表。由於我一直以來都是用網上報稅，有些資料如受養子女資料、受養父母資料，我都可以refer 番網上過往報稅易記錄，所以去稅局前請記住自己稅務易登入名稱和密碼，方便即時手機上網📲查詢過往記錄來填寫報稅表。
填完報稅表，職員安排咗我哋去其中一間房等待評稅主任，評稅主任會即時核對所填的報稅表有否錯漏，然後評稅主任數分鐘後，就會告知我哋最終需繳稅金。
如果你上年度的暫繳稅，比今年度所需繳稅金為高，而之前又已繳清上年度稅款，有可能清稅後可以唔駛交稅，及可退回部分暫繳稅。
以我們夫婦例子，其中一人就係上述情況，可退回暫繳稅。職員話退稅支票會於2星期左右寄番俾我哋。所以要確保所登記的登記地址仍可收到信）。如屬可退稅的情況，就不用出稅單，因此稅務主任亦可即刻發出「釋款同意書」副本（所謂嘅即刻都等咗約半個鐘）
但清稅後，如仍要交稅，咁就要等到下午或什至下個工作日先出到稅單，我哋早上0830到，都要最快下午先可以出稅單，仲可能要視乎當日多唔多人。ichiba話：「早知交埋第二期稅先黎，咪唔駛等出稅單！」，又喺喎 稅務主任提議嘅交稅方式有兩個：1️去稅務大樓1樓郵局交；2️去附近ATM交 ❗️記住記住記住交完拎番張receipt🧾❗️然後就可以拎住張receipt🧾返回稅務大樓7樓拎「釋款同意書」 最後，將「釋款同意書」副本交番俾HR，就可以出埋最後個期糧喇 🚚🚚 運輸: 搬運公司 *出發前須指明目的地城市, 到埗後不可修改, 否則可能有額外收費。
🔸 Uniglobe Removals (在移英群組「英國圍爐取暖」中曾獲多人點名讚好)(深黃搬運公司) Tel: 3907 0233 https://www.facebook.com/Uniglobe-Removals-Limited-%E5%85%A8%E9%81%8B%E9%80%9A-%E5%9C%8B%E9%9A%9B%E6%90%AC%E9%81%8B%E7%A7%BB%E6%B0%91%E6%90%AC%E9%81%8B-103876958136152/about/?ref=page_internal http://unigloberemovals.com/index.htm
🔸 Sanity Freight Moving (在移英群組「英國圍爐取暖」中曾獲點名讚好) Tel: 2755 3398 https://www.facebook.com/sanityfreightmoving/ http://www.sanityfreight.com/
🔸 Santa Fe Tel: 2574 6204 https://www.santaferelo.com/en/
🔸 relo Smart Tel: 2561 3030 https://www.relosmart.asia/
🔸 Transworld Relocation Tel: 2898 1717 https://www.tw-shipping.com/
Reference: 英國官方認可做TB測試香港診所一覽 申請BNO Visa必備肺結核病測試證明 https://travel.ulifestyle.com.hk/news/detail/34544/%E8%8B%B1%E5%9C%8B%E5%AE%98%E6%96%B9%E8%AA%8D%E5%8F%AF%E5%81%9Atb%E6%B8%AC%E8%A9%A6%E9%A6%99%E6%B8%AF%E8%A8%BA%E6%89%80%E4%B8%80%E8%A6%BD-%E7%94%B3%E8%AB%8Bbno-visa%E5%BF%85%E5%82%99%E8%82%BA%E7%B5%90%E6%A0%B8%E7%97%85%E6%B8%AC%E8%A9%A6%E8%AD%89%E6%98%8E/1
