Victoria BC 卑詩省域多利市

加拿大 - 卑詩省 - 維多利亞 地膽推介 - 海外生活事件簿
  吸睛指數 513

Victoria 係BC省府,位於Vancouver Island之末。要去溫哥華可以揸車或者搭飛機過去。車連船加埋大概三個鐘,夏天通常每個鐘有一班船,秋冬就隔個鐘一班。

由於島上有農有田又有倉,就算打大風到船唔行得都唔怕糧荒。喜歡靜嘅人係好啱住。哩度嘅生活節奏比較慢,喺香港忙慣咗嘅會需要啲時間適應,但係住落時間長咗就會覺得舒服自在。

住果方面,租和買屋/樓的價錢比溫哥華平些少,但係新屋舊屋都賣得好快。最近起咗又起緊唔少新嘅樓,有好幾棟 condo/apartment 講明只租不賣,因為好多本地人追唔到啲屋價。如果你 Google “Victoria BC apartment rental”, 照計可以睇到單位大細同租金。成棟都係出租嘅通常包水唔包電。有啲私人獨立屋業主自住上層出租下層嘅都唔少,但係水電就有啲包有啲每個月大家俾一半。 間單講吓唔同嘅住宅: Single detached house & duplex (獨立屋&孖屋)— 獨立屋好多都有起碼一個車房或者 carport (有蓋但係冇門), 但係亦都有啲用個 driveway 嚟泊車,甚至冇車位要泊喺屋前面。孖屋就通常一個大屋簷下左右兩伙,車位方面同獨立屋大同少異。屋主要負責所有维修,有草地嘅要勤剪草淋草,水電等等全部自己負責。如果租嘅話,包租嘅只負責屋本身嘅 upkeep 同 make sure 大型家電如雪柜爐頭等冇問題,出面花園草地係租客自理。 Townhouse & Condo (城市屋/排屋 & 樓層單位) — 哩啲有租有賣,要每月俾管理費,structure 嘅保險同水費已經 covered by the strata fee (管理費),有啲包埋剪草同車位管理。管理費大約 $250 打上,有啲去到五六百蚊一個月都唔出奇,所以買哩類嘅記得問清楚。有啲只淮自住,賣價通常會平啲。 Apartment (俗稱柏文) — 哩啲多數係只租不賣,Victoria 有好幾棟新起嘅,但係租金都唔平。哩度有個 site 俾你望吓唔同地區嘅樓, 下面果個淨係租嘅: https://www.bcnewhomes.ca/vancouver_island.html https://rentals.ca/victoria

剛剛見到有個熟人做地產經紀: https://www.facebook.com/kiteke.ca/posts/6321532934538973 我識亞 John 都有十幾廿年, 乖仔一個又有腦, 過唔知幾多年我賣屋果時如果佢仲係做緊經紀我一定揾佢, 如果你想喺 Victoria 買屋/樓, 但係又驚有語言障礙, 我已經話佢知佢可以搵我做翻譯。

講吓買車。我淨係接觸過三間車行:Willie Dodge & Chrysler, Campus Nissan, and Campus Honda. 我第一部新車响 Willie Dodge 買,果時個 sales 幾好,最起碼比我最近响 Nissan 車行果個姓 Carless 嘅好幾倍 (一陣先數佢!) 好似係97年我 trade in 部錢七買架最 basic 嘅新 minivan, trade in value 好似二千左近,可以分四五年供,每個月四百幾,新車保險係另外做(唔同ICBC汽車保險), 果時好似五百銀左近,頭三年有乜意外部車整唔番就賠架新嘅俾你,唔記得第四五年點賠法,好在揸咗差唔多十二年都冇大鑊野。依家嘅新車保險可以分期付款,廿五蚊一個月分四年俾。 之後我哋想轉部細啲嘅日本車,同事介紹去 Nissan 咁就千零蚊 trade in 部 van 買部慳油細車 (the van needed lots of work by then so not worth much). 六十個月唔洗加利息月供四百。真係好慳油!之後車行過兩三年就會俾啲着數想你 trade in 架揸咗唔夠五年嘅車換新車,我哋見新 model 仲慳油於是想換,果個 Carless 係咁趕住趕住我哋簽文件,結果我哋攞車果日佢竟然話有其他客要照顧,完全冇解釋部車啲新 functions 同埋教我哋點樣 set up 啲嘢, 跟住我梗係投訴啦! 反而 Honda 車行個 sales 就好細心,我兩個細路都喺 Honda 度買車,一個買有 Honda certified 嘅二手車,大概兩三年車齡,萬幾蚊,另一個買新車,分開七年供,每個月四百幾。 除咗車行,可以搵私人賣果啲,但係如果自己對於車唔熟行就要好小心,最好車主去車房驗車然後俾個 report 你,但係都要你識睇個 report 上面乜打乜。

講吓學校嘅野。小學三年級以前係冇乜功課要帶番屋企做嘅,所以比起香港同年果啲冇咁緊張。哩度居民除咗可以免費讀傳統公立學校之外,仲有啲唔係咁傳統嘅 program 俾啲唔同需要嘅人讀,又唔使另外俾錢。如果你 Google “Victoria BC S.I.D.E.” , 應該會見到講 correspondence program. 另外又有個 “Fast Track Program”, 係一兩個月內完成一個中學程度學科,唔駛幾科一齊拖住拖住磨幾個月。咁樣都可以攞到中學文憑㗎。仲有樣嘢同香港唔同(起碼以我所知啦),就係中小學都唔駛買課本,淨係需要買作業部同 binder and paper. 哩啲通常响開學前一兩個月會周圍都賣到好平。私校都有幾間,St. Michael 近大學,Glenlyon Norfolk 近海邊遊艇會,St. Margaret’s 係女校,好似仲有間叫 St. Joseph,都係有起碼三四十年歷史嘅學校。

哩度嘅香港人唔係好似温哥華咁多又住得比較散,不過去飲茶同買餸果時都不時聽到有人講廣東話。實在本地人好多都好喜歡幫人,當然會有文化差異,但係好多野都係因人而異,人夾人緣啦。

啲相係我自己近幾年影嘅 (besides the map which I took a snap shot from Google Map)。多數係市中心,有兩幅係 Butchart Gardens 裡頭影。佢個 coffee shop 有個半唐番識得聽廣東話,會講幾句,不過好似淨係週末番工。有張櫈同燈柱向海果幅就喺其中一間私校附近。有鬱金香果幅係喺其中一間 Walmart (Uptown) 前面影嘅。有兩幅係最近買嘅課外作業,你可以跟住佢個網頁睇吓其他級別嘅野。

我响哩度住咗卅幾年,如果你想知多啲某方面嘅可以响 comments 度問我,我會另開一個 post 嚟講。

標籤
按以下標籤查看其他相關資訊
已複製
WhatsApp
評論 (要登入咗先可以評論)
13muimui 2021-05-29 05:53:02

very detailed info...thank you!