重拾香港温馨甜蜜味道

UK - England - Manchester DNLM Reco - Restaurant Recommendations
  22368 views       2021-03-17 06:24:16

有人問,香港人最鍾意食咩呢? 其實喱個問題好似幾難答,始終香港喱個美食天堂一早已經縱壞曬大部份香港人。不過香港女士有一樣嘢真係好鍾意食,明明話 keep fit 正餐食少啲,轉身又會拉埋死黨、best friends、好姊妹齊齊去「轉場」……為嘅,就係想要淺嚐嗰一口「甜蜜的滋味」~ 冇錯,就係甜品! 今日就介紹下,lockdown 之下冇得出街食甜品,都可以「甜蜜到家」~

輕鬆食件餅

喺喱個橫掃全球嘅 pandemic 之下,除咗可以自己學「在家焗蛋糕」變身做「整餅達人」之外,亦都可以上網 search 下,乾手淨腳之餘仲可以幫襯下同路人,當然加埋有甜蜜蜜嘅蛋糕食,一舉幾得!😉

啱啱過去嘅聖誕節假期,有朋友就訂咗一個香港人愛心蛋糕,味道都幾有香港回憶。簡簡單單一個蛋糕,同朋友仔分享下節日嘅温馨、甜蜜,都令人回味無窮~

今次係訂咗士多啤梨蛋糕,外表都幾有香港風格。切開裏面,蛋糕味道唔會太甜,適合新一代「健康港女」😝!其實去返佢嘅社交平台專頁,見到係有好多味道可以揀嘅,包括綠茶、芒果、朱古力……都係香港人 typical 嘅選擇。

訂購方法

只要提前幾日經網上或者透過電郵預訂,簡單過數,店主就會到時到候親自送到客人屋企,感覺非常親切~ 蛋糕雖然一啲都唔平,但係有嗰種香港人嘅味道同感覺,仲可以喺冷冬安坐家中落單,就有專人送到,喺美食之外仲加多咗一種香港人互相打氣嘅温暖。

想食?快啲自己去睇下有咩款式,訂返個蛋糕同屋企人一齊分享甜蜜啦!

總結評分

環境設施: N/A 清潔衞生:💛💛💛💛💛 💛💛💛 食物份量:💛💛💛💛💛 💛💛💛 食物味道:💛💛💛💛💛 💛💛 服務質素:💛💛💛💛💛 💛💛💛 抵食程度:💛💛💛💛💛 💛💛 方便就腳:💛💛💛💛💛 💛💛💛💛💝 人均價位:(約) HKD 53 - 70 / GBP 5.3 - 7 (每蛋糕 GBP 42) 總推薦度:💖💖💖💖💖 💖💖💖

(各項目以十個心為滿分)

除咗甜品,仲有咩香港風味嘢食好介紹先?有間萬能港式餐廳值得一試!
仲有抵買抵食嘅慳錢祕技唔係唔睇下呀?!
都係想網上訂貨送到上門?除咗甜品連各樣亞洲雜貨都有㗎喎~如果想遠到喺香港寄埋去屋企都仲有辦法
Tags
Click on tag buttons to see related posts
Copied!
Comments (Login to comment)