大家好！好耐冇出post嘞。今次想介紹紐約最新最高最型地標建築-The EDGE. 呢個三角形設計建築，係喺Hudson Yard 100樓，呢度有一個三角形嘅空中露台，中間位置仲要有透明玻璃可以睇穿地面。

雖然呢啲透明玻璃周圍都有，冇乜特別，不過呢個三角形設計有一個特點，就係每個角落都有一個三角形玻璃尖角，如果遊客有膽量嘅話，可以成個人瞓身企喺三角角落度，感覺好像瞓左喺空中咁。之但係咁刺激嘅玩法，都唔係咁啱我呢位老人家嘞！我心血少呀！

其實每個打咭位都要排隊等，好彩我地搵到個未有人排隊嘅靚位，影好相就可以走人，如果有時間，仲可以買杯香檳🥂慢慢欣賞下紐約景色同行下買下店入面嘅紀念品，漫遊一下。

話時話，我地嗰日去都幾大風，喺度行行下我感覺到個三角露台震震地呀！阿媽我好驚呀！😖

下次我先講下點樣唔洗比錢就可以上到去呢個紐約新地標啦！如果要買門票，要$38@一個大人㗎！