By 芝城莫文胃

不論你係Uber定塔地鐵嚟到呢度, 一到埗記住Don’t look up, 要look down 先搵到個招牌。一入到去, 長吧枱嘅隔離就有Anson Lo 對住你含…..情脈脈咁笑, 然後耳邊洋溢住好貼地嘅Hong Kong pop , 跟著有把好純正嘅廣東話招呼你，問你想坐邊. 講到呢度, 文胃即刻濕哂….眼眶….好滾動, 皆因芝加哥嘅港式茶餐廳同好多其他美國城市一樣, 都係播cctvb , 掛羊頭賣狗肉扮有香港味兼充斥住講普通話嘅「服務員」😞😔

好嘞, 環境啱feel, 咁啲食物又對唔對味呢? 等文胃同你逐一剖析.

咖哩魚蛋 ⭐️⭐️⭐️⭐️✨

文胃比4.5分, 有辣勁, 啲汁濃厚惹味, 用上香港嘅陳記魚蛋, 並非市面上你見到嘅馬來西亞魚蛋, 有港味, 👍🏻👍🏻正! 另外嗰半分無比, 係因為唔食辣嘅人可能嫌太辣.

蝦豬肉燒賣 ⭐️⭐️⭐️✨

文胄比3.5 分, 辣味Garnish 係亮點, 燒賣本身味道正常

超足料口感豐盛碗仔翅 ⭐️⭐️⭐️⭐️⭐️

以蒟蒻代替粉絲, 口感比正常嘅碗仔翅更豐盛, 鷄絲冬菇木耳放題式加入, 個湯係用浸過雞脾嘅湯汁淆出嚟, 非常滋味淳厚, 不過真係好多料, 飲一碗都飽咗一半, 文胃建議帶多幾個friend 子, 就可以試多幾個items啦

巧撚大氣炸雞脾 ⭐️⭐️⭐️⭐️

皮薄香脆大過侍應哥哥隻手掌, 嫩滑有致, 醃得好入味, 不過真係好大份, 一個人食唔哂….所以最後同各工作人員一邊吹水一邊消滅佢

滑蛋黑松露炒蛋多士 ⭐️⭐️⭐️

蛋係炒得好嫩滑, 但係呢隻黑松露醬文胃不嬲麻麻鍾意, 加唔加其實對文胃都無乜分別

全晚亮點: 魚蓉燒賣加「心之製作」— 豉油 ⭐️⭐️⭐️⭐️⭐️

正宗陳記魚蓉燒賣, 勁地道嘅香港味, 口感彈牙實在, 加上佢個看似平凡但原來係用咗好多不同材料嘅自家製豬油豉油, 絕對係心之製作, 喺美國有錢都買唔到嘅經典

呢煲就係製作豉油嘅材料，有咩人會用咁多功夫去淆一煲看似平凡嘅豉油？呢個巧撚正就有呢個心將最唔顯眼嘅地方做到最好

煎鯪魚餅 ⭐️⭐️⭐️⭐️

有鯪魚味, 彈牙, 有一絲絲魚骨同cilantro, 非常細緻嘅口感, 值得一試

杏仁豆腐 ⭐️⭐️⭐️⭐️⭐️

滑, 杏仁味天然唔過甜, 一啲都唔heavy, 呢個飯後甜品為當日寫下一個完美句號💜💜

食咗8 樣嘢, 飽到上心口, 埋單50幾蚊, 文胃覺得非常物有所值.

有紐約地膽朋友話, 雖然紐約堪稱係同香港齊名嘅美食天堂, 但係原來真香港人嘅餐廳少之又少, 所以去開New York 嘅你, 一定萬物錯過啊!

Address: 664 Manhattan Ave Brooklyn, NY 11222