大戶屋

唔經唔覺，大戶屋已經喺紐約開左十年！以前帶住小朋友去，眨下眼就十年，依家小朋友已經大個仔大個女嘞！

適逢今年十週年紀念，由4月4日到4月24日(更新！餐廳延長到5/1日，想食記住訂枱呀！），佢哋推出左個特別套餐，仲要加送個日本直送嘅靜岡crown melon! 只係$59！咁正嘅嘢，梗係要第一時間一家人去捧場啦！連酒水都有special優惠㗎！

個套餐非常豐富，包左好多唔同嘅食物，様樣都好正，前菜海膽三文魚子豆腐，鮮甜美味。

主菜全部放上盤一齊上，件件精緻可口，有三種不同燒魚，三種魚生魚片，有炸物，有washu beef sukiyaki，再加上鰻魚丼同麵豉湯，連啲醃製咗嘅蘿蔔都正到不得了！又因為係櫻花季節🌸，廚師將蘿白都變左櫻花🌸形狀，非常切合季節意境，直情係視覺+味覺嘅享受！

最滾動嘅就梗係可以食到由日本靜岡出品嘅蜜瓜啦！食落清甜芳香，同美國嗰啲得個甜字簡直係兩回事呀！

小朋友食唔哂咁大個餐，可以選擇和牛或者炸豬排飯，一樣咁正㗎！

唉…食完餐飯即刻令我又感嘆唔知幾時先可以返鄕下呢😩。

希望可以快啲有機會去日本🇯🇵啦！

P.S. 記住呢個套餐只係喺Chelsea18街間店咋，訂枱時唔好搞錯呀！