澳洲嘅幼兒服務大部份係經規管，我諗唔可以講係百分百，因為有啲人會自已私下傾妥安排，或者係請住家褓姆。

大部份嘅人會用托兒準貼Child Care Subsidy (CCS)嚟俾部份費用，原因為全費實在唔平(因唔同州唔同區，幼兒園全日托管費用由澳洲$100至$190都有可能)。全國嘅幼兒照顧服務，營運嘅人可以分幾類：1) 私人; 2) 非牟利團體; 3) 家長會(小學課餘服務)，而為咗令個質素有保證呢，營運者須要先成為一個認可服務提供者(Approved Provider), 2018年後想註冊成為認可服務提供者，更須要喺之前考一個試，證明熟悉法例嘅要求。

成為Approved Provider 後，佢地就可以申請經營認可嘅服務中心(Approved Service)，一個Approved Provider 可以有多個Approved Service, 呢啲Service 亦可以喺唔同嘅州及領地。

嗱，咁一個咁嘅系統之下嘅服務會係有咩特點呢？呢啲認可嘅服務係會依從一套架構，叫做National Quality Framework (全國質素架構)，包括： 1. 全個性幼兒法例　(National and Care Services National Law Act 2010 & Education and Care Services National Regulations) 2. 全國性質素標準(National Quality Standard): Area 1: Educational program and practice (教育課程及操作) Area 2: Children’s health and safety (兒童的健康與安全) Area 3: Physical environment (環境) Area 4: Staff arrangements (員工安排) Area 5: Relationships with children (與兒童的關係) Area 6: Collaborative partnerships with families and communities (與家庭及社區的協作) Area 7: Leadership and service management (領導與服務管理) 3. 評估及質素評訂程序 Assessment and quality rating process 4. 全國性學習架構 national learning frameworks: - 0-5歲的幼兒學習架構 Belonging, Being and Becoming: The Early Years Learning Framework for Australia (EYLF) - 學齡兒童(小學)的 My Time, Our Place: Framework for School Age Care in Australia (MTOP) - 維多利亞州更會有另一個幼兒教育架構 Victoria Early Years Learning and Development Framework

咁樣，如果個服務想被認可，可以俾家長用托兒準貼(CCS)呢，就先要喺以上合格，先至可以為家長代為領受CCS，嚟俾部份費用，準貼係唔會經家長嘅手，而係直接去到間認可服務果度，家長每兩個禮拜會收到單據，例如托兒費有幾多，收到有幾多托兒準貼，而佢地最後要撳荷包俾幾多錢(Out-of-pocket or gap fee)。

Photo Credit: HEI Schools Australia - www.heischools.com.au