嚟到LA或者美國其他城市其中最重要嘅一件事要做嘅就係考車牌亦都係其中一件首要任務，我住喺加州如果冇車渣幾乎好似少咗一隻腳咁好多地方都去唔到。

喺加州考車牌分為筆試同路試，首先必須要pass左筆試之後先可以再考路試，咁我大概話俾大家聽點樣準備考取你個駕駛執照.

California Department of Motor Vehicle (簡稱 DMV) 通常處理同管理有關所有汽車嘅事務，例如考車牌，續車牌，車輛過戶等等.

考筆試同埋路試都係喺DMV進行（筆試考啲咩，總共考36條，最多俾你錯六題，總共有三次機會，其實網上都有好多比你參考同埋有得俾你考中文），首先考筆試嘅話你要先喺佢哋嘅網站Make appointment 先. https://www.dmv.ca.gov/portal/make-an-appointment/

筆試合格之後你就會攞到張臨時駕駛permit, 到時你就可以搵一個有加州車牌嘅人去同你練習開車或者搵私人教練.

如果三次都考唔到，咁你就要重新再make appointment，同埋重考要比多$7（可能要想去佢嘅網站睇返最新嘅價錢）

如果你係美國其他州嚟換加州駕駛車牌，因為每個州嘅規定都唔同,所以加州嘅話可能要重新考筆試但係應該就唔使重新再考路試.

同埋如果你喺香港已經有車牌嘅話，你應該可以申請攞到國際車牌，加州係可以允許俾你用國際車牌暫時先俾你揸車一段短時間，不過如果你喺美國居民身份咁你就必須要有加州車牌先可以碴車.

因為DMV 成日都好多人，所以去DMV 處理嘢對好多人來講係一個惡夢，因為有排等同埋一定要記得帶齊所有文件，如果唔係，你等咗好耐但係因為你淨係唔記得帶一個文件，佢就會叫你返屋企，到時你就會覺得曬咗好多時間同埋乜都做唔到，會好嬲.

考筆試需要攜帶嘅文件 - 上網預約嘅confirmation，S S N，如果冇S S N，咁你就要帶護照，加州居住證明（例如租屋合同，水電會將單等等）居留證Visa，I-20, I-94. (到時駕駛執照其後將會按照你概 I-94嘅其限嚟分發）記得你啲所有文件上嘅地址要相同.

第一步 之前講過,你需要上網預約時間

第二步 到咗DMV櫃檯出示你預約嘅confirmation，櫃檯人員會比一張駕駛執照申請表格叫DL44,填完之後，櫃檯人員會比張有號碼嘅紙你，跟住你就坐低等人叫到你個號碼.

第三步 DMV 嘅職員就會請你提交相關嘅文件，跟住做視力測試，如果你有近視嘅話，咁就帶返副眼鏡，因為如果視力測試唔合格就算你考到筆試都攞唔到臨時permit.

第四步 如果你之前嘅步驟都完成之後，DMV 職員就會叫你去影相，打手指模同埋考筆試（影果幅相就係將來你張車牌上嘅相).

第五步 考完筆試之後，DMV職員就會即刻幫你核對試題，睇你合唔合格，之前講過，最多可以考三次如果都唔合格嘅話就要重新預約.

第六步 筆試合格之後，你就會即刻攞到獎一年嘅臨時車牌，有咗呢張臨時車牌，你就可以開始搵專業師傅或者有車牌嘅朋友陪你練車. （如果你覺得已經練到爐火純青冇咩問題啊，你就可以上網預約考路試，如果你搵專業師傅嘅話，好似佢都可以幫你約，我強烈建議搵個專業師傅幫你練習，因為佢會話俾你聽考路試嘅細節）