In Mia's Goodies, you can find cream puffs, mochi, sweet sago drink, and some other HK street food.

English interview: http://voyagehouston.com/interview/hidden-gems-meet-mia-su-of-mias-goodies/

Direct translation of interview above:

Mia，多謝你抽空同我地分享你嘅故事。你嘅故事係點開始嘅呢？

我只不過係一位普通嘅母親，十年前從香港搬嚟呢度。過去我從未想像過會喺廚房工作。當初我畢業於香港理工大學嘅酒店管理學士學位之後，我搬咗去休斯頓同我丈夫Jack結婚，之後五年都係做一個家庭主婦。雖然我好愛我嘅家人，但我內心深處有個聲音喺呼喚，令我陷入自我實現嘅思考之中。

五年嘅時間留喺有限嘅社交圈入面係好長嘅。Jack時不時會邀請朋友嚟屋企，俾機會我發揮我對烹飪嘅熱情。一開始，我會做一啲令我回憶起家鄉香港街頭小食，同朋友分享；不過，消息傳得好快，大家紛紛要求我做甜點同其他小食，持續嘅鼓勵令我有勇氣開一間屬於自己嘅店。所以，呢度解釋咗Mia's Goodies嘅品牌形象—一隻雞站喺麻糬上。糯米雞係我喺初期製作嘅香港美食之一（呢樣食物令我回憶起喺香港嘅少年午餐記憶），而麻糬一直係受人喜愛嘅甜點之一。

我哋都會面對挑戰，但回顧過去，你覺得呢段旅程相對順利嗎？

當然唔係，絕對唔算順利！特別係我哋剛開始營業嘅時候剛巧遇上疫情。我可以講係辛苦嘅，充滿喊泣、懷疑、擔憂，不過亦都有好多好心人嘅幫助令我哋走到而家嘅地步。由於我從未喺商業廚房工作過，我喺試誤當中學咗好多嘢。剛開店嘅幾個月裡，我幾乎冇得休息。每星期工作80個鐘頭，每日3-4個鐘頭嘅睡眠。我會一邊半睜眼嘅情況下喊住，一邊捲起袖子喺廚房製作甜點同小食。嗰陣係我生活中非常困難嘅時期。儘管咁樣，我哋堅持過咗最低谷，開始有更多有良好職業道德嘅幫手。

不過，克服一個障礙之後，另一個障礙又會出現。而家，我哋仍然面對勞動力短缺、原材料價格飆升同原材料短缺嘅問題。不管有幾難，Mia's Goodies仍然努力咁做。佢係我哋家鄉嘅延伸，我通過重新設計糖果地點嘅方式，保持著我對香港最美好嘅回憶。我希望Mia's Goodies嘅存在可以幫助思鄉嘅香港人，亦都可以俾唔識香港嘅人試吓一啲香港嘅熱門風味。

多謝你嘅分享。咁Mia's Goodies仲有啲咩值得我哋了解嘅呢？

Mia's Goodies 唔止係一間賣奶油泡芙、麻糬同西米露嘅甜品店。我哋嘅食品全部都唔加任何人造食品色素，亦都唔加任何防腐劑或味精。所以，我哋所有嘅食品都係新鮮製作嘅，希望顧客食到嘅時候係新鮮品嘗！我哋每星期會輪換奶油泡芙同麻糬嘅口味，周末特供品係重點。我哋仲有賣咖哩魚蛋同碗仔翅。呢兩樣都係香港最受歡迎嘅街頭小食。而家我哋以熱食同冷凍包嘅形式出售，不過希望喺未來當我哋嘅員工能力恢復正常嘅時候，可以做更多受歡迎嘅小食。

我地好想聽下你點睇冒險呢？

我覺得我從細個就係一個愛冒險嘅人。我一直都跟隨自己嘅內心，走自己嘅路。正如我之前講過，我對商業廚房冇任何經驗，而我最大嘅冒險係冇經驗嘅情況下開辦咗Mia's Goodies甜品店/食品店。不過我有一句至愛嘅格言係：「唔試，永唔知」。我係好幸運同埋感激，我覺得呢個冒險係得嚟好多人嘅幫助同愛護，而家，我最愛嘅美食可以同大家分享。 不過，我開咗Mia's Goodies之後，我覺得自己慢慢從一個冒險者變成挑戰者。對我嚟講，冒險係唔肯定嘅，唔經評估嘅，而且係有危險嘅。如果你冒險，最後可能會冇覺察地失去一切。而挑戰係唔同嘅。佢係一個你想要測試自己係咪有能力或者有幾好能力嘅嘢。你會喺挑戰之前估算基礎同埋事實，你會有勇氣同埋意識到可能會失去某些嘢。所以我鼓勵睇呢篇文章嘅每一個人唔要驚挑戰。唔要驚重新開始。因為，每次你接受挑戰，唔係重新由零開始，而係憑你珍貴嘅過往經驗再重新開始。

Website: www.miasgoodies.com Instagram: www.instagram.com/miasgoodiestx/ Facebook: www.facebook.com/miasgoodies