今次去到花蓮玩，居然揾到間有賣港式邊爐湯底嘅餐廳！ 雖然大熱天時，但點都要支持下香港人嘅～ （其實係自己好耐無食想試下）

佢哋有雞煲，不過太熱又唔太食得辣就無叫到。叫咗一個沙嗲一個皮蛋芫茜湯底～ 主菜就叫咗一個牛小排（$460）一個板健（$320），然後又用一個菜盤換咗豬肉～ 因為做緊活動，打卡就送咗個響玲同丸，台灣嘅響玲真係唔係成日見到，有時仲成百蚊台幣一盒，所以見到就即刻叫！ 我朋友超鍾意芫茜，但台灣唔係間間邊爐都會有，所以問老細賣啲芫茜俾我哋 XDD

overall都好好食，沙嗲湯底比較濃，拎黎煮菜一流！ 但如果想食得清啲，就推介皮蛋芫茜湯底，我拎黎煮粉絲，索曬啲湯，超好食！肉同菜嘅份量都足，仲有一個粉/麵/飯，食到好飽好滿足！湯同水都自己加，環境同衛生都唔錯，推薦大家去～～