曼谷市中心有好幾個大型公園，坐落唔同嘅區，綠化城市之餘，仲提供休憩好去處。好多曼谷人都鍾意喺公園做運動、跑步、踩單車，呼吸新鮮空氣。
其中翟度翟公園比較特別，喺春天嘅到訪人次特別高。呢個公園面積唔算好大，同沙田彭福公園差唔多，但原來呢度種植好多風鈴木，每逢春天都會盛放，粉淺粉紅色嘅風鈴木花海就好似櫻花咁靚。好多人都會趁呢個時間嚟欣賞美景、影靚相同埋打卡。可惜今年本哈事忙，去得太遲，只能夠影到落花同埋流水🤪。但公園嘅園林設計，歐式氛圍，仲有唔怕人嘅松鼠仔，都可以令人忘記俗務，行一個大運，洗滌心靈一陣咁多。
翟度翟公園就喺Mo Chit BTS 站隔離，係行去翟度翟市場必經之路。大家如果去開翟度翟，就睇吓有冇機會遇上繁花盛放嘅美景啦。
想睇風鈴木花真正盛放嘅情況，大家可以睇以下條link。
