澳洲係一個多元文化嘅國家，除咗國家、語言之外，有唔同人信奉唔同嘅宗教，其他回教就都有唔少信眾喺澳洲 。2016年嘅人口普查顯示，2.6% 嘅澳洲人口（即60,400人）係信奉回教；其實，喺唔同嘅場合，包括學校、工作間、社交場合等等，因此，了解同尊重佢地嘅文化可以令我地更加融入澳洲嘅多元文化氛圍。
回教每年最大嘅節日可以話係佢地嘅齋戒月，而呢個月呢就會係因為佢地嘅月曆唔同，而有少少差別。今年嚟講呢，就係由2021年 4月 12日至 2021年 5月 12日呢個月裡面。
齋戒月據佢地嘅宗教呢，喺呢個月裡面，天堂嘅門會開，而地獄嘅門會關，魔鬼亦會被鎖上；所以，係一個好神聖同有意義嘅月份。喺呢個月裡，回教徒會有五個重要嘅義務， 包括重申信仰、祈禱、做慈善捐獻、齋戒，同埋到聖地麥加朝聖。
由每日喺日出之後至日落嘅呢段時間，除咗有健康理由，信徒都會禁止進食、飲用任何液體、吸煙、以及進行性行為。有某一啲回教國家，喺公開嘅場合飲或食，甚至係犯法！此外，佢地都會禁止其他慾望同負面嘅情緒，例如係妒忌其他人、講其他人是非、投訴、進行娛樂活動例如係去睇電影、聽音樂等等，希望呢段時間佢地會重新審視可蘭經嘅經文。
因此，我地都須要注意呢啲禮節，去尊重其他人。例如係唔好喺呢段時間喺公司搞大食會，或者喺回教徒面前食得津津有味，咁只會令佢地難堪，同埋表現到我地唔了解同埋尊重其他人嘅不同，所以，真係要緊記。
話說如此，前果幾年，疫情之前連續幾年，喺比較多回教徒聚居嘅 Lakemba , 齋戒月裡面，市政府都有搞到一個夜市，由日落之後開到凌晨，好不熱鬧。今年因為疫情關係，市政府取消咗，希望下年佢會再搞，大家可以去趁下熱鬧。
不過，Lakemba 喺呢個月裡面，入夜之後，仍會有好多食肆可以買到唔少精彩嘅食物，有興趣試下咯！
