食咗咁多餐日本菜，等我今次介紹一間新開嘅法國餐啦。

呢間位於Tribeca新派嘅法國餐開咗3個月左右，我哋今次揀呢間餐廳，就係因為睇中咗間餐廳外面有好多好靚嘅花卉裝飾呀，又可以趁機喺母親節打下咭，有咁多花可以做佈景，襯哂個節日氣氛呀！

間餐廳因為開左冇耐，所以就算母親節都唔係好多人，我地一早訂左枱五點食飯，仲可以order佢個5-7pm happy hour menu，真係幾抵㗎。

我地叫左幾個appetizers，再每人叫個entrees，特別甜品又好食，樣樣食物水準都幾好味😋，大家都好滿意😊。

最好笑係因為母親節，小朋友要比錢買蛋糕🍰比我做母親節禮物🎁，所以走嘅時候去餅櫃買，臨走時見到佢送左一包白色長紙袋嘅嘢，我以為係母親節活動送嘅花🌹，點知一打開，竟然係一條長長嘅法國麵包🥖，真係估佢唔到😅，不過咁樣都好，有得食落肚夠實際呀😆！

如果鍾意發🌸癲嘅朋友，呢度一定唔會令你失望，好似佢地嘅brunch都好正，嚟到春夏季節，得閒嚟食個早餐/下午茶☕️都幾正㗎🙂。