// :光復香港！ :時代革命！

兩年前既口號 係播完「時代革命」之後再一次係戲院聽到，睇返發生過既事令到我地再次憶起當初既情感。當然兩個鐘頭既電影無法紀錄呢場運動既所有事，展現出黎亦都可能只有冰山一角，入面有唔少「經典場面」，亦有一啲你未必知道既背後心路歷程。

不論你係對發生既事親歷其境，又或者係睇網上livestreams，再次見到畫面出現係銀幕都係會牽動到情緒，放映期間有喊聲(本人入場10分鐘都唔夠就已經兩行眼淚，完場口罩都濕埋)、鼓掌、笑聲。你或者未必100%認同入面訪問既人每一個觀點或做法，但無可否認佢哋都係一個好撚鍾意香港嘅香港人。

知道有得上映當日就即時購票，因為依家唔睇遲啲可能無得你睇，多一個人睇到就多一個人記住就多一個人去講。雖然係戲院到放，但呢一套絕對唔係虛構劇情如有類同實屬巧合，而係一套真人真事用血用肉堆砌屬於香港人既時代革命。 //

-讀者投稿

@revolutionofourtimes.film