(注：含大量粗口，敬請原諒。)

面試官

今日收返啲聖誕飾物嗰陣，順手清清啲不知明嘅紙皮箱s📦。喺某個箱度搵返啲原本喺美國買去香港擺酒用嘅擺設，同埋本2019年嘅結婚相簿。本相簿原本打算擺喺迎賓度畀人睇嘅，不過因為疫情關係改期改到2046，啲嘢都入哂塵成為歷史遺物🌚。不過本相簿就令我諗返起見美國面試官嗰日嘅一個柒故事。

記得嗰日就算預約咗都需要喺大堂度等半個鐘到，因為好似係去到登記再排位的。等嗰陣已經出哂汗，好L緊張🤮。到我哋嗰陣，一個白人叔叔喺大門出嚟帶我哋入面試房。睇佢個樣好好笑容咁，都無咁驚青。但佢行到一半，突然停低問：『你哋無律師㗎？🤓』我哋心諗點解要有律師呢！？：『無啊😣～』佢都係話問下啫通常啲人都會有律師嘅。然後我哋就立即進入返淆底嘅狀態，不停Loop究竟有律師會點樣？有啲咩問題我哋無律師在場會答錯？無律師係咪難批啲？🤮🤢🤮🤢⋯⋯

入到房，有一個亞洲女人坐咗喺房嘅角落，個樣勁似啲訓導主任咁樣，完全係零表情🌚。咁阿白人叔叔話佢係監察定旁聽員？(唔記得啦～)總之佢就唔出聲坐喺度旁聽。我當佢係人肉測謊機啲Fd～而佢嚴肅嘅表情就令到我更加緊張2000倍🤮🤢🤮🤢。加上佢又係亞洲人，即刻好驚佢Judge9我啲垃圾Grammar☠️💀。

一開始白人叔叔就叫我舉手宣誓，發誓我講嘅嘢唔係大話，之後就坐底開始Q&A。其實問嘅問題都唔多，亦都好簡單，都係問我同公子呢段關係啲基本嘢。幾時識？點樣識？識咗幾耐就拍拖？拍咗幾耐拖就求婚？公子屋企有幾多個人叫乜名呢啲？但因為柒基因發作，加上個亞洲女人啤到我好緊要👁👁。我答得好無自信之餘又不停問公子，答案改完又改。特別係啲幾耐嘅問題，我柒到自爆話因為Long distance有時會唔見幾個月，唔知點計喎🤡。真係完全唔知自己做乜春鳩上腦咁L樣，明明呢啲咁簡單記好哂嘅答案都發花癲，亞洲訓導主任嘅威力真係好L強大🌚。

結果，我緊張到講咗句：『對唔住，我真係好L緊張呀！😰😨🤮。』之後白人叔叔就話佢都係循例問下㗎炸，唔洗咁緊張呀。然後佢個Tone就開始變得勁輕鬆又搞下笑咁，後面個亞洲女人都開始微笑🙂。真係一柒解千愁⋯⋯最後就開始核對我文件上寫嘅答案，叫我重覆一次啲答案咁，都係Yes / No。完咗就勁快話我知我嘅申請批咗㗎啦，過一排就會收到張臨時綠卡㗎啦✌️。

知道批咗之後，唔知做乜鳩柒上腦開始好自信咁話：『我哋其實準備咗好多嘢嚟㗎！因為真係好驚你哋懷疑我哋，點知你哋無睇過就批咗lu。☺️✌️』真係柒到唔L驚人唔批返你㗎喎。點知白人叔叔竟然仲笑笑口講咗句：『So～Would you still like to show me?😃』而我真係柒到有面Say Yes，仲隨即擺本結婚相簿喺枱面揭開畀佢同亞洲訓導主任睇🤡。

然後明明已經完結咗嘅面試，都要被逼睇面試者啲結婚相🤡。諗返起白人叔叔個無奈樣，一路揭一路扮有興趣睇⋯⋯都覺得好L老尷💀。可能律師嘅存在，其實係為咗保護面試官嘅時間，唔好畀啲無謂人賴屎唔走逼人睇結婚相，做乜鳩？🤡

@真係人唔柒做唔出 @我嗰日食咗6粒冷靜朱古力先出發 @但批咗之後先冷靜落嚟 @完全無諗過外面排緊隊嘅人嘅感受 @面試官心諗做乜鳩做乜要逼我 @面試官同訓導主任成為世上唯一4個睇過本相簿嘅人 @真係好榮幸嘅呢🤡✌️