外面橫風橫雨天寒地凍既時候寧舍想食返個暖笠笠煲仔飯，想要少少變化的話，日式煲仔飯都係一個唔錯既選擇。

位於bellevue downtown既minamoto japanese restaurant既其中一道菜Donabe （日版煲仔飯）可以比客人選擇配搭三文魚、皇帝蟹肉、海膽或鰻魚。今次第一次試食就叫左皇帝蟹肉，一打開煲蓋，最吸引眼球既除左魚籽同蟹肉之外，仲有... 飯焦! 飯底味道嚟講當然無港式既咁澎湃同激情，相對上清淡同黏身，但就係因為咁先突顯出魚籽跳脫既鹹味加蟹肉既鮮甜味，跟住再加埋d飯焦呢，頂，真係停唔到口，係咁食。

之後要介紹港女非常熱烈推介既Grilled Saikyo Black Cod，因為根據港女情報係bellevue好難揾到仲要好食既，而今次呢個味道同texture都掌握到啱啱好，所以呢個係極力推介。

而呢個tempura donburi小編建議無咩事就唔使叫，無咩特別，雖然真係好L大碗。

到最後再叫返壺中女tea hojicha完美結束左呢次試食體驗。

Address: 11011 NE 9th St, Bellevue, WA 98004