澳洲係殖民地, 最早期有大量由英國和愛爾蘭移居嘅人士, 所以, 亦帶咗好多英殖民地嘅文化, 建築等等。其中就包括英國人鍾意嘅下午茶, 嗱, 梗係唔係講緊港式下午茶有菠蘿油、西多士、絲袜奶茶果種啦, 而係真真正正享受下一杯靚茶, 同埋重點係果啲細細件嘅鹹同甜點心。

今日嚟呢一間 Estate Vaucluse House係傳統嘅殖民地建築, 古色古香, 加上前面係一塊悠悠嘅草坪, 真係令人心曠神怡, 因此, 亦都係結婚嘅熱門地點。

High Tea 呢, $60澳紙一位, 一個禮拜唔係日日都有, 只係有星期五至日, 仲要預先預訂, 最少兩位起計。

值得一提, 你喺訂位時, 佢會問下你有無特別食物需要, 因為小妹我有乳醣不耐(我知… 好難搞!)所以即管講佢知但話如果太難就唔使就, 因為我都係志在同朋友一聚。 點知佢話無問題, 全餐幫我做 lactose free 都無問題, 果然係貼心!

真係一個幾好嘅經驗!

但記住, 訂位時要俾信用咭號碼, 如果唔到係要收返$15一位, 不過我真係覺得 fair enough, 因為話晒人地係做生意嘛。

Photo Credits: Building and interior: Estate Vaucluse House Food: Tury