入鄉隨俗篇 - 睇樓注意事項 (外圍） 去睇樓之前，有D野可以準備先，例如做下research，關於治安，學校我就唔再講喇，先講一下水電煤寬頻呢類設施先。

1）水，可以透過以下網站搵到指定的供應商，再瞭解下轉名的手續及所需時間。 https://www.water.org.uk/advice-for.../find-your-supplier/

2) Energy & Gas， 大家可以去以下網頁去比較下，可以分開Energy同Gas兩間公司，或者合埋一間公司。 http://www.comparethemarket.com/ http://uswitch.com/ http://moneysupermarket.com/ 其實英國好多呢類的比較網頁，大家之後有咩Services都可以睇下呢類型的網站，應該都幫到手。

3) 寬頻，朋友話，依家呢個年代，最大件事係冇左wifi, 所以睇屋之前check清楚間屋可以support到幾快的上網速度，又係comparethemarket喇。 https://www.comparethemarket.com/broadband/speed-test/ 至於價錢方面，可以去睇下以下網站，或者個別供應商網站，通常本地人都等有特價先簽contract，平唔少。另外要留意的係，英國寬頻供應商通常都包埋router，而且house大部分材料都是木或磚，死位比較少，香港的超勁穿牆router可能勁過頭，另外，有傳聞話制式都唔同，可能用唔到，不過呢方便我就真係唔識喇，大家要再問專家喇。 http://www.hotukdeals.com

4) Recycle Centre 我另一篇分享都提過，英國對回收好重視，有晒時間表咁去回收不同種類的垃圾，所以大家最好check一下附近有冇類似的回收點/回收站，免得到時船運到/deliver完左之後大量的紙皮唔知點處理。 之前有關回收站的分享 https://www.facebook.com/107796820835299/posts/206838764264437/

5) 停車，便利店位置 大部分的house都會有停車位置提供，可能係屋前花園，屋前馬路邊定位，馬路邊，不過都有時無得提供或者會滿晒，所以一定要問清楚，留意好，免得被人抄牌罰錢，另外泊車位置都大大影響車保費用。 而英國的便利店，有好多唔同種類，有24小時，有咩都有得賣，有只賣好少量的食物，甚至我見過開下午專做煙酒客的都有，當中亦可以睇到附近生活的人的生活習慣；好多時大型超市都離間屋幾遠，如果有咩急事或者買少少野的話，一間便利店會好幫到你。 講完附近設施，去到講下間屋的周圍，究竟附近有咩影響到大家生活同間屋呢。

1）水錶，英國大部分的屋都有水錶，通常都係屋出面近馬路的位置，會有一個黑色的圓形蓋，要留意都仲有D屋係冇水錶，每個月都係俾緊個定額的收費，不過真係好少，我睇過60＋的屋，好似都係得3-4間係咁的情況。

2）草，樹，葉，英國人好重視自己個前後花園，不過亦唔係個個識打理，所以好多時草地收草叢甚至樹林，要留意租客都要為業主打理草地，所以前後花園草地大細都影響到大家的生活。另外，我都有分享過落葉的問題，如果屋內有樹，影響到屋外的話，有機會收到council的投訴，需要收葉修樹甚至移走棵樹；仲有，英國都有D入侵性的植物，最出名的係日本虎杖 Japanese knotweed，如果買樓的話一定要搵專家睇清楚。 之前的掃葉分享 https://www.facebook.com/107796820835299/posts/193702468911400/ 虎杖的YouTube介紹

3) 鄰居，我自己睇租盤時通常會早少少或者留耐少少，留意一下附近的隔離鄰舍，有時見到面會傾兩句問下附近環境治安郵局咁，見唔到人都睇下附近多唔多車泊，咩類型的車多，有冇裝咩防盜鎖軚鎖軨咁，或者睇下附近D屋多唔多裝晒防盜系統，鏡頭咁樣。

4) 學校，呢樣比較矛盾，因為大部分人都想住近學校，方便報讀，不過，如果真係太近的話，其實都幾煩，每日返學放學時間就堆部晒車，馬路就一定塞同亂，仲有就係嘈，所以我會留意學校喺邊，馬路D線又點畫。

5) 特殊垃圾，我想強調的係一D比較特殊的垃圾，酒樽煙頭都已經事少，大麻陣味甚至笑氣的樽先係重點，大麻其實已經喺英國好多年，如果遇過的人一定記得陣味，而近年興起的係笑氣，所以間中都會見到條街有好多細樽仔，即係有啲人喺附近high緊，一定要留意下。

6) 火車站，英國好多時穿州過省都會靠火車，不過火車站都會有分快車慢車，大站細站，所以最好check清楚，唔好以為住喺個細站度記好方便，可能要等半個鐘先有一班車去大站再轉車先方便。可以用下面網站check下。 https://www.thetrainline.com

下一次的分享，就會講述入到間屋入面，有咩需要留意，會影響大家生活，有咩影響間屋的價值，有咩租客要留意，有咩想做業主的需時留意。