筆者其實不嬲都好鍾意食越南牛肉河粉但係其他越南菜式就比較少食。係一個巧合下，同越南人朋友去到一間weekday都居然有時要排隊先至可以入到去嘅越南餐廳已經非常surprise!

咁除咗越南粉嗰啲大路嘢之外佢哋仲有啲好多其他餐廳冇嘅，今日我哋晒相介紹其中幾個菜色。

其中一個叫做 Bahn Chan個大雜燴湯麵非常正。佢用龍蝦籽來做湯底，嗰個味道非常濃郁，真係食過返尋味。配料仲有有鵪鶉蛋有豬肉同埋各式各樣嘅海鮮，包括粒粒蟹肉。佢用嘅麵條係一種好似烏冬麵咁樣非常彈牙，真心正。

佢另外一個好特別嘅菜式叫做 Bo Tai Canh。佢基本上係越南式嘅生牛肉，我諗好多朋友都知道啲意大利人同韓國人都有類似嘅菜式。佢呢個筆者去過好多次，每次都係非常新鮮所以連一啲平時唔敢食生牛肉嘅朋友都會食。佢係配有鵪鶉蛋，洋蔥同埋角各色嘅香料。一個字，正！諗起都流口水。

佢哋嘅春卷拼盤亦都非常值得推介因為有好多好特色嘅春卷唔係周圍都有。入邊嗰啲牛肉燒烤非常正，有機會真係要試試。

佢哋仲有一個好大盆嘅龍蝦麵，一樣好正。筆者平時係好討厭揸車超過15分鐘去食嘢。呢一間揸車揸成40分鐘筆者從來都冇怨言👍🏻

淡水大蝦🍤都好L正