國慶日咁熱,當然等日落前兩粒鐘先出動. 目的地就係雪梨唯一可以用火車到達的Cronulla海灘啦!! 喂!咪住,話明秘景又點會係咁易比你搵到,所以最好都係Cronulla火車站住971巴士入去啦!不過我地當然係揸車入去! 今次我地去既地方就係比較少外人入去既Cronulla Peninsula盡頭既Bass and Flinders Points. 當日所見都係該區人,比較少遊客會去. 係GPS你未必搵到,所以請先係出發前係MAP上搵Bass and Flinders Points. (附上地圖兩張參考) 係Gowrie St轉左直入搵PARKING就可以落車行,因為係住宅區,請保持安靜唔好打擾到周邊居民.

留意番,Bass and Flinders Points係第一個景點,向左可以行番上去Oak Park Beach, 一路上都好多該區居民散步跑步休憩,亦都可以望到整個Simpson bay同對岸隱世小鎮Bundeena以及Cronulla對出海岸風景.

行番轉頭去番Bass and Flinders Points既右方,一直行會經過一個小公園,童心大發的大朋友可以開心一下, 如果早上黎係度做yoga,靈修,meditation都非常好,夠哂清幽同空氣勁清新! 假期通常會有不少該區居民在,釣魚,游水,BBQ,野餐等,在小公園前方有洗手間和開放式沖身設備. 經過公廁再行一小段就到達一個小石灘,亦都係今次既秘景重點, 呢度有唔少居民係度浸下水游下水解暑. 當日我地無打算游水,但都有行近石灘同海之間,感受下有幾涼快,水係非常清澈同冰涼,希望夏天完之前再有機會黎玩水吧!

*前邊提及既隱世小鎮Bundeena, 係正Cronulla Peninsula對岸,想去既朋友仔,如果無車(有車都要揸車行好大段入National Park先入到去),由Cronulla Train Station出閘往右直行至後街,或GPS找Cronulla Wharf就可以乘坐全澳洲其中一條現存最古老的小輪航道,據說船上仍沿用現金收費約兩元澳紙, 半小時一班,下次有機會去再同大家報告下.

**記住帶走自己垃圾同有公德心保持安靜,盡量不要高聲呼叫,因為該處正正在住宅旁邊,多謝合作.