差不多$Forty 慳返小費還未計稅 當初的堅持 現已令我很懷疑 很懷疑 我最尾等到 只有這多士

當初的不智 真心相信無敵珍珠 所得竟不如垃圾 後悔 經已遲 這一次 我真的很介意

望見旁人紅茶何引誘 耐到何時何年 都胃痛 我要靜候 再靜候 就算珍珠 始終要溝

日後 儘量 別學我 今天的淚白流 而且 擊傷我的舌頭 從錯誤裡吸收

原曲：葡萄成熟時 ~~~~~~~~~~~~~~~~~~~~~~~~~~~~~~~~~~~ OneRoad第一篇劣食post既主角係Meetea cheese boba toast，以5蚊美金(*~HKD $40)買左件垃圾。🤑🤑🤑

事源被網上騙照呃左嚟呢間Redmond Meetea cafe，諗住試下佢地大勢boba toast，睇清楚menu佢加左芝…士…?🤔

望住個位小鮮肉店員慢條斯理咁用超市入面最cheap個條$1麵包條，攞兩塊質感仲輕過A4紙麵包出嚟，放其中一塊係飛碟機上面，放幾粒車軚珍珠，再塗上cream cheese，再慢慢等佢烘十世。 等左咁X耐，終於見到實物，但個一刻…真係#懷疑人生了… 味道伏到喊，完全無“珍奶“味，無啦啦搭個咸既芝士味都唔知做乜9。想知網上寫review比到5星個d人條脷受過咩創傷，人生既劣食程度要去到幾盡先可以對住咁既垃圾都比得出5星。定一定驚後，嘗試理解店主加芝士既動機，佢有可能想視覺上營造“爆漿““漏奶“效果，但唔係用煉奶達到效果之餘，味覺上仲更加和諧同 make sense d咩?

這一次，小編真的爆了。