繼續扮去左日本-茶館

美國 - 紐約 - 紐約 地膽推介 - 搵食不求人
  吸睛指數 138       2022-04-29 23:56:31

又係我呀!去得Greenpoint,梗係要去多幾個地方行下食下啦!食完個bento之後,其實已經好飽,不過飯後甜品又點可以錯過呢!

今次介紹呢間日本茶館,其實之前佢只係間樓上小店,只係賣少量茶葉同茶具,疫情之後佢閂左門,到幾個月前先開左呢間茶館。

叫得茶館,裝修梗係比較禪同簡約啦!我地一入去就聞到好香濃嘅茶味撲面而來,香到不得了!原來佢地啱啱喺度炒茶葉,所以咁香!

其實呢間茶館唔止賣茶,佢哋仲有tea set配小食或甜品㗎!今次我地坐counter,又係叫左兩個tea dessert set,如果order 🍵 ,佢哋仲會即刻喺你面前用傳統方式製作綠茶🍵比你。因為上次食過好好味,今次再叫😋。甜品唔講咁多,自己睇相啦!

Any肥,佢哋入左好多日本靚茶葉,適合鍾意啲唔同口味嘅愛茶人士。之前我亦買過好幾種味道嘅茶葉,每種茶都各有特色,尤其係少有產量嘅「玉露」,入口香滑純,飲後嘴入面嗰陣淡淡幽香,仲係咁芬芳四溢,真係好正!

如果喜愛日本茶道🍵嘅朋友,佢哋仲有好多超精緻嘅茶杯茶壺賣,自用送禮都啱㗎!

仲有,茶館後面仲係一個秘密陶瓷場,好似話佢地都有自家製陶瓷出品㗎!睇下你地去有冇機會見到嘞!呢間咁有日本feel嘅茶館,仲可以外賣茶同甜品,又可以上網買佢地嘅貨品,真係超正呀!大家得閒行過唔買都去睇下,打下卡扮文青當去左日本🇯🇵都呃到人㗎😄。

已複製
WhatsApp
聯絡方法
地址 73 Skillman Ave, Ground Floor, Brooklyn, NY 11211
網址 https://kettl.co/
評論 (要登入咗先可以評論)