初心

搞泰拿小店嘅原意係希望大家可以用更加合理嘅價錢買到屬於香港嘅味道。各位遠離家鄉，千里迢迢嚟到英國，由零開始，真係一啲都唔容易。泰拿希望可以喺幫大家慳錢嘅同時，亦都能夠向各位同路人送上少少嘅心意，讓大家喺異鄉都能夠感受到香港嘅親切同溫暖。每次見到大家露出滿足嘅笑容，對泰拿嚟講，係一種鼓勵同肯定。亦都係泰拿繼續努力嘅最大動力。

心聲

泰拿小店只係一間蚊型公司，冇後台冇金主，小店所有嘢都係泰拿自己一腳踢。可能因為咁，經常被人潑冷水同睇小。不過，泰拿係唔會氣餒。雖然泰拿小店未必可以做到全英國最大最平，但係泰拿會一直堅守初心，為咗大家嘅支持同信任而奮鬥。每一個細節，每一個選擇，泰拿都用心去做，為嘅就係想將最好嘅貨品同服務帶畀大家。即使面對種種困難同挑戰，泰拿都會堅持落去，因為有大家嘅支持同鼓勵，泰拿相信，一切嘅努力都會有回報。泰拿小店唔單止係一間純粹做生意嘅公司，有機會嘅話泰拿希望可以為各位同路人出一分力，分享快樂同艱難。

再次多謝大家嘅支持！喺未來嘅日子，泰拿會一直守護住呢份初心，為大家帶嚟更多香港嘅味道。香港人加油 !!