雖然世界疫情已經緩和好多，不過想返日本鄉下嘅話就仲未知要等到幾時☹️，唯有搵間日本餐廳解下思鄉病，食左當去左啦。

今日去左間日本餐廳，佢只做早午餐同咖啡室到下午五點。餐廳設計好有日本簡約優雅風格，一入去會以為係入左間日本家居食品店鋪，鋪面有好多平時少見嘅日本用品同食材調味料選擇，亦有好多日本風格嘅茶杯碗碟等，店舖雖然唔係好大，但係都有唔少精品可供選購㗎！

其實呢間餐廳午餐bento選擇唔多，食嚟食去都係炸雞或者係炸豬扒飯，如果唔想食肉，都有三文魚或素菜比你揀嘅。另外仲有三文治同一啲小食，啱哂幾個朋友一齊食個下午茶享受下优閒嘅時光都唔錯㗎！

如果大家去開Greenpoint，可以去附近行下街，食下嘢都幾寫意㗎！

唔記得講，呢間餐廳除左咖啡茶，仲有好多啤酒🍻同清酒🍶同sparkling wine🥂賣㗎！如果鍾意飲返兩杯嘅朋友，記住唔好錯過呀！😽