澳洲嘅醫療系統，同香港好唔同，而對市民付費嘅期望亦因此唔同。 Medicare 國民醫療保障其實係一個全國性嘅醫療保險計劃，是在1984年Hawke Government 時以Medicare 這名字為一個品牌。希望透過呢個計劃令澳洲人以低價甚至係免費，能使用一系列合適嘅醫療同醫院服務。佢嘅錢喺邊度嚟？當然係稅啦，喺付稅人士嘅收入裡面，大概會有2%係去咗呢個用途，稱為Medicare levy Medicare 之下呢，有一系嘅醫療服務已定咗價錢，叫做Medicare Benefits Schedule (MBS)。而假如醫療機構嘅定價如果係呢個MBS嘅價錢以上呢，咁病人就會自已俾錢，我地叫佢咁 'Gap Fee'

Medicare Card 咁佢點知我地可以享有Medicare 呢? 就憑張 Medicare card嘞，當申請之後呢，就會有一個號碼，以後用嚟Claim啲費用，但要留意，因為呢張咭(即係福利)只可以喺Medicare 認可同註冊嘅服務機構先可以用，如果你去家庭醫生／醫療中心，好多時會見到佢門口寫著Bulk billing system, 當你用嘅時候呢，佢幫你碌咗張咭，錢就會直接過咗俾醫生，用嚟俾你嘅診金。 除咗睇一般家庭醫生之外，你都有可能須要呢個Medicare number, 例如: 入醫院、睇專科、買一啲須要藥生配生嘅藥同醫療用品等等。 以下喺澳洲居住嘅人士應該合資格申請 Medicare: - 澳洲公民 - 澳洲永久居民 - 正在申請永久簽證嘅人士 - 有部長指令下嘅一啲臨居簽證 但最終合唔會格，當然會以個人申請條件為考慮。

同時，如果你有家人喺一齊，申請係以家庭為一個單位，啲名會同時顯示喺張咭度，只係最後有1, 2, 3, 4 去顯示係邊個。 另外，Medicare 係可以喺澳洲境內嘅唔同省同領地使用，所以，就算你由一個州搬咗去另一個州都唔需要再申請，只須要更新聯絡資料。

~ 待續: https://www.dnlmdirectory.com/view_post/1398be9d-98ce-41e6-b4b5-21b6f47596c3/HK