港式嘅包與餅總會引起懷舊情懷。

我諗無乜邊個細路唔係港式麵包陪著大, 唔係菠蘿包, 雞尾包, 椰絲奶油包就梗係腸仔包 (唔同意嘅請留言 LOL) ...

至於西餅呢, well, 一打西餅的回憶, 大抵有以下比較常見的:

1) 結婚喜帖時夾住嘅餅店, 最巔峰時期真係有幾十張在手; 我知道以前年代係食唐餅嘅, 所以呢, 每次食住一嚿用餅咭換嘅果占蛋糕, 就不期然有個疑問: 到底果占蛋糕同人地結婚有乜關係呢?! ??!?!??!? ....

2) 散水餅 - well, 老實講, 又係唔係好明, 但又係非物實文化嘅傳統啵 _

好, 咁當移居之後, 當然 1) 同 2) 就唔會再有啦, OMG, 於是乎..... 我竟然掛住呢老西餅~!!!!

好彩早年有包餅師傅移民嚟悉尼, 開咗間舖, 繼續做呢啲傳統嘅港式麵包同西餅。唔識點形容, 但係第一次食返一件拿破崙餅, 竟然心裡有無比感動。係呀, 就係呢個味道。

其後好多次再去買, 仲食埋其他以前總係最唔想食果幾款, 我而家先至知道, 其實佢地好好味, 只不過, 以前真係唔係咁識欣賞佢地。每次再經過, 總會幫襯下; 其實, 我真心佩服果份對傳統食物嘅堅持, 佢唔係貴, 但唔代表做嘅人唔落力做。相反, 我會見到每一個細節都係做得好 consistent 同不拘且 ... 我諗, 佢嘅拿破崙餅, 甚至比香港嘅做得出色。

噢, 有長者咭嘅公公婆婆去佢度買麵包仲會有折, 好有心哦!

希望佢地繼續呢一份執著落去, 亦多啲人幫襯支持, 並重拾果份情懷 - 那些年, 我們一起食過的菠蘿包/雞尾包/椰絲奶油包/腸仔包/瑞士卷/蛋撻/雞批/果占餅/拿破崙.....