澳洲托兒津貼旨在協助合資格嘅家庭，喺經濟上幫忙佢地，等佢地可以安排子女去托管，而佢地本人就可以專心進修，工作等等。托兒津貼係適用於新生嬰兒，至到13歲以下嘅小學學童。 至於每個家庭可以攞到有幾多錢嘅托兒津貼呢? 呢一個就要以一個活動審核 (Activity Test) 嚟去決定，大致上嚟講，爸母雙方（呢個包括同性伴侶，領養子女）嘅活動時數愈多，佢地能夠得到嘅托兒津貼亦會愈多，最高係可以每兩個禮拜內得到100小時嘅托兒 津貼。 至於到底可以攞到幾多津貼呢，就會取決定幾個因素: 1) 全家嘅總收入 2) 父母嘅活動審核 3) 所選取嘅托兒類別（全日托管中心、家庭日托、還是小學嘅課餘及假期托管）

托管嘅津貼會係直接經過父母核實出席記錄之後，存俾服務提供嘅機構。 以2020年7月生效計算(每年新財政年度7月1日起會更新), 家庭總收入嘅範圍同托兒 津貼嘅關係如下: $0至$69,390: 85% 托兒津貼 $69,390至$174,390: 85% 至50%托兒津貼, 每多$3,000收入, 會下降1% $174,390 至多$253, 680: 50%托兒津貼 $253,680至$343,680: 50%至20%托兒津貼, 每多$3,000收入, 會下降1% $343,680至多$353,680: 20%托兒津貼 $353,680以上: 不合資格

托兒服務類型方面，津貼額如下: 中心類型的—全日托管及偶爾托管: 每小時$12.2 家庭日托：每小時$11.3 課餘托管（課前、課後及假期）：每小時$10.67

至於父母嘅活動審核方面，就要計算一啲核準嘅活動，包括如下: — 受薪工作，包括自僱 — 受薪或不受薪嘅假期，包括受薪或不受薪嘅侍產假 — 不受薪嘅家庭生意 — 不受薪嘅工作實習 — 正積極地建立生意 — 就讀核淮嘅課程 — 進修以改善工作技巧或就業機會 — 正積極尋找工作 — 義務工作

以下有兩個互動嘅網站, 讓你可以計算一下大概可以得到有幾多托兒津貼: 1) https://www.careforkids.com.au/child-care-subsidy-calculator 2) https://www.goodstart.org.au/subsidy-estimator

Photo credits: - Sharon McCutcheon from Pexels - Alexander Dummer from Pexels