英國揸車嗰陣時，發生交通意外應該點算好？

英國 Automobile Association (AA)梗係有寫啦 但係睇晒成篇野都冇話打電話搵朋友 ??....... 唔知香港考車係咪冇教，定係好似我咁，個車牌係吸返嚟嘅呢？

https://www.theaa.com/car-insurance/advice/what-to-do-after-a-car-accident

粗劣咁翻譯左中文等大家睇一睇，唔知英國同香港有乜分別呢？

1. 發生交通意外應該
2. 停車
3. 關掉引擎
4. 打死火燈
5. 睇吓自己同埋其他乘客有冇受傷 -如果架車唔可以重新啟動而造成交通擠塞就應該搵警察，有人受傷就call白車
6. 如果普通 Hi 花而冇人受傷，將對方啲資料記低，車牌號碼司機名，司機聯絡電話，司機地址
7. 盡量保持冷靜，不要發脾氣，不要被發脾氣

8. 除非你完全透徹了解呢知交通意外係點樣發生，不要亂咁道歉或者承認責任

9. 咩情況應該搵警察？

10. 對方冇留低資料就離開
11. 如果你懷疑對方司機冇保險，或者係受酒精或藥物影響駕駛

12. 如果你懷疑對方故意造成今次交通意外

13. 雙方司機要交換乜嘢資料？

14. 如果交通意外有造成損毁或者人命受傷，你都要交你個名同埋地址俾對方（法例要求）
15. 與對方司機交換行車保險嘅相關資料
16. 如果有見證人，記得攞埋佢哋嘅資料
17. 問吓對方司機係唔係車主，如果並非車主的話需要攞埋對方車主嘅資料同埋聯絡方式。

18. 如果撞到嘅係海外貨櫃車，抄完車牌記得抄埋貨櫃拖假上面嘅車牌，因為有機會前後不同。

19. 喺現場有啲咩資料要記低？

20. 牽涉在內車輛嘅資料 （車嘅品牌，型號，顏色，車牌號碼）記住影相做紀錄
21. 撞車嘅時間地點
22. 當時嘅駕駛路況，例如天氣（日頭/夜晚/好天/落雨/大霧/使唔使開車頭燈），路面嘅狀態（例如道路標記/地下係乾定濕係咪好多泥土/有冇未經維修嘅破壞路段）
23. 每架車嘅受傷程度，外邊同入邊都要影相做紀錄

24. 邊個受傷，邊個位置受傷，傷者坐喺車嘅邊個位

25. 如果你自己炒埋啲死物度，例如撞到死車（已經停泊好車輛）或者炒埋埲牆度，你都應該將自己嘅聯絡資料交俾對方。冇人喺度就留低張字條。周圍都係CCTV你係走唔甩嘅，唔留低個人資料只會惹禍上身。

26. 至於點樣 Claim 保險就自己問返自己買嗰間保險公司啦 你唔 Claim 人但係人哋都可以 Claim 你。所以記得通知保險公司。

27. 最後，英國亦好興 Crash-for-cash，即係對方車輛用任何方法令到你撞佢，跟住 Claim 你錢。為咗保障自己 360 車Cam 記得裝的，仲要有夜視高清。

唔好咁低能問 如果冇電話係手咁點? 如果部電話冇電咁點? 如果唔識講英文咁點? 如果唔識字咁點? 如果唔知自己係邊咁點? 如果身上冇紙冇筆咁點? 如果真係遇到呢啲問題，而你又唔知點解決嘅話，你就可以打電話問朋友啦。

其實交通意外經常發生，有陣時避都避唔到。 只要記得唔好一錯再錯就得啦。 學懂有禮貌有"交帶" 希望大家過到嚟一切順利。

冇得返轉頭的亂碼 mewe link https://mewe.com/p/%E4%BD%8F%E5%88%B0%E8%8B%B1%E5%9C%8B%E9%84%89%E6%9D%91%E9%82%8A%E7%B7%A3

prefercountryside

英國必備常識

英國撞車點算好

英國自駕遊

英國學車

以上資訊由 住到英國鄕村邊緣 提供： https://www.facebook.com/609674389388975/posts/1188125428210532/?d=n