啱啱嚟到 L.A. 可能你暫時住喺親戚或者朋友屋企，通常住一段時間就會搬出去租屋住，咁我而家大概好簡單解釋吓搵屋租同租屋嘅流程.
美國做屋絕大多數屋主都會查租客嘅 (Credit History / Credit Score 亦都可以叫FICO SCORE，又長氣😂講多一次信用分數係非常之重要，買屋，租屋，買車，貸款等等都係同信用分數有密切關係) 如果分數太低，或者過往有不良紀錄，例如欠或遲交卡數，遲交供車貸款等等屋主都會盡量唔租比呢種人.
因為L.A. 新移民比較多，所以有啲屋主都明白啱啱嚟到美國嘅人唔可能有Credit History, 所以佢哋有啲緩衝嘅辦法，就係睇你銀行月結單，如果存款比較充裕，佢哋會要你先預繳三個月至半年租金單租比你.
搵屋可以喺租屋啲公開網站自己搵，或者搵經紀幫你，如果喺公開網站搵，你就直接同屋主聯絡. 如果你用經紀，經紀就會帶你睇屋同負責簽租約.
租約通常以最少一年起，之後可以再續租. 租客通常要比一個月按金一個月上期，通常租客會負責自己屋內嘅水，電，煤費用. 其他費用例如整理花園，泳池，管理費通常係屋主俾.
(其實以上都係啲比較簡單基本嘅租屋流程，如果大家想問吓其他啲租屋問題亦都可以留言我都會盡量回答，如果有其他地膽覺得我講得可以再清楚啲都可以幫吓手或者俾啲意見，因為我驚寫得太長😂)
626-617-4106 Whatsapp only
