可能係紐約最「高」級又美味嘅餐廳🍴😀

美國 - 紐約 - 紐約 地膽推介 - 搵食不求人
  吸睛指數 86       2021-09-20 01:38:53

上次講到去最新紐約地標The Edge睇風景,今次我會介紹一下,究竟點樣可以享受美食之餘,又可以免費去The Edge睇紐約靚景去打咭!

答案就係去Hudson Yard嘅Peak餐廳食飯嘞!Peak呢間餐廳喺101樓,比The Edge仲要高一層,由餐廳望出去真係有大地在我腳下嘅感覺。一路食,一路喺超大落地玻璃睇住啲遊客喺The Edge度行嚟行去一自拍擺pose,真係幾得意幾有趣㗎😁。

因為餐廳同The Edge係坐同一部電梯,所以你去Peak餐廳食飯就等於唔洗比入場費就可以去埋The Edge嘞!因為工作人員係唔會再check入場門票㗎,係咪好正呢!

我地訂左中午時候食個Sunday Brunch。嗰日好好彩,天朗氣清。呢間係美式餐廳,裝修設計高尚優雅,食物水準都好好,價格都唔係超級貴,亦冇話要最低消費,不過好似每個人要點一樣食物。

其實呢間餐廳午餐同晚餐嘅menu差唔多,不過同一樣食物,晚餐就貴啲,所以都係午餐時間去比較抵,仲可以望遠啲風景添。

餐廳除左食物,佢地用嘅茶杯碗碟都係用有名嘅德國品牌,浄係睇個樣加食物都已經係一件賞心樂事。

如果想去嘅朋友,記住早一兩個月訂枱,因為呢度真係超級人氣打咭點,可以呃好多Like㗎!😀

已複製
WhatsApp
聯絡方法
網址 https://www.peaknyc.com/
評論 (要登入咗先可以評論)