🌬經歷咗人生第一次嘅-30幾度 以前同米米爸去旅行會揀落雪❄嘅地方，最凍都係負幾度，都可以著毛毛褸/靚衫/靚boot同米爸懶浪漫咁雪中散步/set機自拍🤓

香港大少見雪，去旅行落雪幾凍都好，都俾熱情掩蓋咗凍😝，但當住喺落雪嘅地方一段長時間，日常生活都同雪相關，就唔同講法😅 由其係我哋喺香港過咗嚟一年，經歷咗兩次冬天，對落雪有最新最深嘅另一番感受❄❄

👕👖👗體驗咗呢兩次冬天就發現帶嚟嘅冬季衫褲當中得四份一係啱用，之前都分享過嚟嚟去去都係長袖衫+長褲+雪褸/羽絨，總之就係: 落雪 / 好凍➡雪褸 唔落雪 / 冇咁凍➡羽絨 衣櫃啲連身裙同外套都冇掂過😆，防水擋風保暖最緊要，著衫唔似得去旅行咁fancy喇🤓 -https://m.facebook.com/story.php?story_fbid=524859898427508&id=436260943954071

初初嚟到走進民居嘅我哋，發現行人路邊嘅雪好多一撻撻黃色....🐶🐶🐶(睇相)😒米爸形容似係雪糕上面加拖肥糖漿🤢🤢!!!路邊積雪亦好快會變得啡啡黑黑，❄不過睇落雪係正嘅，地下剛鋪上新雪真係好靚❤👍

但溶雪就....成條路都係一pat pat啡黑色嘅漿💩，我而家除咗雪靴，波鞋都著死一對，😆唔似得喺香港或者旅行時咁著靚鞋曬命啦🙈～ 喺香港我冇喺門口鋪地墊嘅習慣，嚟到門外門內各一大張，車房入屋內外又要鋪，😖鞋底帶來黑蚊蚊水，地墊先幫到手做少啲清潔功夫 至於架車😆...溶雪時出一日車=香港成個幾月唔洗車/中港貨櫃車嘅污糟程度🤢溶雪真係好污糟

如果溶雪後又凍翻，地下會有好多陰濕冰面位!就算著雪靴都危㗎，有防滑底嘅鞋或者加鞋釘會安全啲，👴👵長輩級初嚟到最好買定俾佢哋🤔 米米爸都試過踩中冰面跣倒，當時佢抱住米小姐浪漫散步💟，為咗保住個女，佢側身落地，痛咗成個幾星期🙈

🙋不過呢一切我哋都習慣咗啦💪 始終落地生活唔同短暫旅行嘛!