感覺派出走生意學 台港夫婦放平之道

台灣 - 北部 - 新北 地膽推介 - 搵食不求人
  吸睛指數 11958       2023-08-01 19:00:14
By   13muimui

積極得嚟但又好佛系嘅港嚼派台港夫婦點樣憑著喺香港學到嘅一身手藝喺競爭激烈嘅台灣飲食業立足呢? 喺台灣做生意, 冇言語障礙嘅香港人又係唔係一帆風順?

你幾時搬去台灣㗎?

2020年尾,疫情最嚴重的時候,同丈夫一起搬回台灣住

港嚼派 呢個名字好特別 有啲咩含意㗎呢?

港嚼的國語發音好似感覺,台灣人鍾意玩同音/諧音,一開始我哋都主打各式手工派(pie)。但我哋希望開業後跟著感覺走,不一定要堅持賣一種東西,要了解地域的客人需求同適時改變,想辦法不被市場淘汰,店係自己的,手藝係自己的,用感覺找到生存的方式。

喺台灣做生意,需唔需要有公民身份?

我先說明一下,我們不是投資移民的case,負責人係台灣人,所以流程有些唔同。 我哋可以唔洗創立公司,只需商號登記,且無資本額底線。 廣義的做生意,老闆係唔需要公民身份,都可以唔需要居留證,只要符合台灣商業法律規範,例如外商公司,台灣政府係樂意海外資金投資於民間,但要給居留同身份證又係另外一回事。 但如果係市井小民,想要在台灣生活做點小生意,公民身份係非必要,要看居留證有無工作許可,或者看居留目的為界定,例如持投資移民居留簽證者係唔可以做投資事項以外的工作,再例如持有工作資格居留證係可以雙向工作/創業皆可。 投資移民港人係冇辦法改變商品,當初成報給政府要賣A就絕對不可以改賣B,這個係對投資移民的限制,一般公民或者持可工作居留證者無規定,另外系行業別更改,例如食店突然改賣文具,一般人都只需匯報更改行業類別,但投資移民係完全冇更改機會。

你一開始去到經營生意遇到啲咩困難?攞license搵舖位做一啲準備工作準備仲有幾耐?

搵舖一直在租屋網app搵,覺得ok就去現場睇,一直到找到目前這間。 覺得這間舖頭ok,但冇太多資金可以消耗所以,準備工作希望速戰速決盡快開業。 和業主談妥付訂金後但未簽約時就開始準備資料,利用政府部門的線上行政作業,簽約完成當日即可攞合約去市政府產業部門做license,但另外要都跑國稅局、健保局、工會(勞保),另外裝修都幾簡單,開了業先有問題再改正。 從簽約到開業花20天左右,準備方面最困難係同政府搞文件其實好混亂,依家我都唔記得自己做過D咩都唔想記得,但印象中最混亂係政府部門有些有連線有些冇,同一張資料不斷重複繳交,一張文件可以係A部門說冇收到,要再做一次,但B部門說收到唔洗交。

租貴嗎?

比較起來係唔貴但只能話符合地段行情

喺宣傳推廣上面又有冇困難呢?喺台灣做食店競爭會唔會好大?

宣傳其實唔困難,有錢就得。 營業登記後或者在googlemap有被標記,廣告投放公司、宣傳管理公司都會自動找上門,可以協助管理各項社群平台,和投放廣告,只不過需要投入資金,但我們也沒有多餘資金  所以我們主要還是傳統方式發放傳單,自己經營社群,還是希望用口碑累積客人,做穩附近街坊的生意。 台灣餐飲競爭係非常激烈,也和飲食習慣都有關係,所以做義大利麵和甜點係比較有難度,這些品項不會讓台灣人每天吃,也非必要。 餐飲習慣還是比較本土化,手搖飲料、便當、滷肉飯、湯麵等……。 撇除餐飲習慣,太多削價競爭或者太強調CP值,其實不是個健康的消費市場,羊毛出在羊身上,台灣經常發生食安問題,不是沒有原因。 加上國際嚴重通膨,疫情前後消費習慣的改變,加劇餐飲業的競爭。

仲有啲咩經營上嘅難處或者艱辛係你一開始冇諗過?

每個創業者都很辛苦,尤其係小資本創業的人,所有事情都要自己一肩扛起,我們兩個係夫妻共同承擔,但我覺得自己的心態係好重要,唔需要因為客人話D咩就隨風起舞,這個係我哋一直以來的課題。 一開始冇諗過台灣社會唔少自私無情,大家都說台灣最美麗的風景系人,但最惡的都係人,無關生意好壞事,開門做生意奧客總是有,一單過了就過了,心態要放平。 大家都話要躺平,其實躺平唔係真的什麼都唔做,係自己的心態不該被其他人帶著走被控制,盡自己本分,多餘的要求做的到就做做不到就說一聲‘’不好意思‘’。

台灣嘅政府制度入面有渠道可以比你反映制度嘅不合理或不滿嗎?

答案係冇,最多都係call 1999市民專線投訴生活D嘢,例如有攻擊性野狗出沒、鄰居亂用公共區域、道路有坑洞呢D環境小事,對制度不滿係投訴無門。

總括嚟講,台灣有好嘅營商條件令你會鼓勵有心嘅香港人喺台灣做生意開店嗎?

唔鼓勵都冇反對,台灣創業條件容易D,有夢想就去實現,但如果唔係投資移民我覺得要再三思,如果資金唔係幾多真係要一懸生命的去做,150萬港紙3年係唔夠用。

你又覺得香港人喺台灣做生意有咩優勢?

冇喔😂😂 當地人會多D慰問,多D水吹囉

你有咩想同海外同路人講?仲有,你覺得我哋而家喺海外嘅香港人可以做啲咩去維繫,仲可以點樣去延續我哋嘅族群呢?

想同已出走嘅各位香港人講:「唔會再叫大家加油努力,因為大家都已經好努力了,甚至要出盡200%嘅努力去打拼。喺一個非土生土長嘅地方重新適應,冇乜當地人脈,唔多識得門路搵支援,甚至要以非母語(廣東話)去應付日常生活,行每一步都要諗過度過,絕對係一個挑戰,不過跟據香港人精神:「審視自己基本條件,好,做咗先,唔得仲有plan B,唔試過唔會知嘅冒險精神。」相信大家絕對能夠頂硬上,以自己為例,留意到身邊好多日常小確幸,台灣便利店可媲美日本;台灣夜市令我開懷;好多茶嘅飲品;我奶奶嘅台式小菜;好多歡迎人和寵物嘅公園;草地可以隨意踐踏等等,幸福就會一點一點累積。 當然有曾經懷念以前香港𢭃嘅人工,但又如何,衣食住行都用晒份糧,點解仲要嘥時間諗如何回到當時,能夠呼吸自由嘅空氣已經值門票價了,閒時相約香港朋友、台灣友達遊山玩水,都唔知幾開心。哈哈。 身在遠方,若有困難一定要搵人幫手,唔好怕難為情、怕唔好意思。同樣若能力範圍內,一定會協助的,香港同路人就係咁簡單。 共勉之!

標籤
按以下標籤查看其他相關資訊
已複製
WhatsApp
聯絡方法
聯絡電郵 sssweetbakery@gmail.com
聯絡電話 +886 963 526 721
地址 新北市中和區景平路634-16號1樓
網址 https://www.facebook.c...
社交媒體網址
評論 (要登入咗先可以評論)